Անիմացիոն «Սարդ-մարդը» ֆիլմի շարունակությունը ստացել է թողարկման ամսաթիվ

Sony Pictures ընկերությունը որոշել է «Սարդ-մարդը. տիեզերքի միջով» մուլտֆիլմի շարունակության պրեմիերայի օրը՝ Ապրիլի 8, 2022: Համապատասխան գրառումը Twitter-ում տեղադրել է ֆիլմի պրոդյուսեր Քրիստոֆեր Միլլերը:

We're coming back. April 8, 2022. #SpiderVerse 🕷️ pic.twitter.com/DMzzjbzVkd
— Christopher Miller (@chrizmillr) November 1, 2019

Հիշեցնենք, որ 90 միլիոնանոց բյուջեի դեպքում ոչ ստանդարտ անիմացիայով հիշվող մուլտֆիլմը 190,2 մլն դոլար է վաստակել ամերիկյան կինովարձույթում եւ 185,3 մլն դոլար՝ աշխարհի մյուս երկրներում:

«Տիեզերքի միջով»-ը թողարկվել է 2018 թվականի դեկտեմբերին և պատմում է դպրոցական Մայլզի մասին, որին կծել է ռադիոակտիվ սարդը եւ որը իմանում է այլ տիեզերք տանող պորտալի մասին, որտեղ կան Սարդեր-հերոսներ: Մուլտֆիլմը ստացել է «Օսկար», «Ոսկե գլոբուս» եւ BAFTA մրցանակները, ինչպես նաեւ համաշխարհային վարձույթում հավաքել է 375 մլն դոլար:

ԳՈՎԱԶԴ