Հունվարի 9-ին Բեռլինի միջազգային կինոփառատոնը / Berlinale հայտարարեց 35 նախագծերի անունները, որոնք ընտրվել են 2025 թվականի Բեռլինալեի համատեղ արտադրության հարթակում մասնակցելու համար: 27 երկրներից 35 նախագիծ կներկայացվի շուկայում՝ ֆինանսավորման և արտադրության գործընկերներ գտնելու համար: Բեռլինալեն նաև ծրագրել է անցկացնել Forum Special և Forum Expanded:
«Էդգար Բաղդասարյան ֆիլմ պրոդակշն» և TS Productions ընկերությունների ֆրանս-հայկական «Իմ հայկական ուրվականները» (պրոդյուսերներ՝ Սելին Լուազո, Կարինե Սիմոնյան) վավերագրական նախագծին ընդգրկվել է Forum Special-ում, որտեղ ներկայացված է 8 ֆիլմ: Ռեժիսոր Թամարա Ստեփանյանի ֆիլմը իրենից ներկայացնում է հետմահու քնքուշ նամակ Թամարայի հորը՝ Վիգեն Ստեփանյանին, ով կինոդերասան էր Խորհրդային Հայաստանում: Արդեն մանուկ հասակում Թամարան տեսել է նրան հեռուստացույցով, իսկ ավելի ուշ դարձել է կինոռեժիսոր։
«Իմ հայկական ուրվականները» կինոնկարի արտադրության համար Հայաստանի ազգային կինոկենտրոնը հաստատել էր 15 մլն դրամ ֆինանսական աջակցություն:
Ծրագրում ընդգրկվել են ֆիլմեր Վրաստանից, Ուզբեկստանից, Ավստրիայից, Նորվեգիայից, Բրազիլիաից, Գերմանիայից.
- Das falsche Wort / The Lie (ԳՖՀ) [1987] ռեժ. Կատրին Սեյբոլդ
- Fruit Farm (Գերմանիա, Չինաստան) ռեժ. Նանա Սյու
- Iracema (Բրազիլիա, ԳՖՀ) [1975] ռեժ. Խորխե Բոդանսկի, Օռլանդո Սեննա
- The Long Road to The Director’s Chair (Նորվեգիա) ռեժ. Վիբեկե Լոկեբերգ
- Nudity (Ուզբեկստան, Ֆրանսիա) ռեժ. Սաբինա Բակաևա
- Scars of a Putsch (Ավստրիա, Բելգիա) ռեժ. Նատալի Բորգերս
- Inner Blooming Springs (Վրաստան) ռեժ. Տիկու Կոբիաշվիլի
Forum և Forum Expanded-ի ծրագրերը նպատակ ունեն ընդլայնել հասկացողությունը, թե ինչ է կինոն, ստուգել կոնվենցիաների սահմանները և բացել նոր հեռանկարներ, որոնք կօգնեն նորովի հասկանալ կինոն և ինչպես է այն համեմատվում աշխարհի հետ: Ծրագրերը կարող են ներառել այն ամենը, ինչը ծառայում է այդ նպատակներին՝ ժամանակակից և պատմական, անալոգային և թվային կինո, արվեստի ինստալյացիաներ, ներկայացումներ և երաժշտություն:
Forum և Forum Expanded ծրագրեր են, որոնք ինքնուրույն վերահսկվում և կազմակերպվում են Արսենալ՝ կինոյի և վիդեո արվեստի ինստիտուտի կողմից Բեռլինալեի շրջանակներում:
Վիգեն Ստեփանյանին մեծ էկրաններին հնարավոր է տեսնել Հովհաննես Գալստյանի «Բեմ» ֆիլմում՝ հունվարի 16-ից:
