Discussing Film կայքի բացառիկ տեղեկատվության համաձայն՝ հայտնի ռեժիսորական դուետը կսկսի նոր ֆիլմի նկարահանումները 2020 թվականի սկզբին Չիկագոյի տարածքում: Սցենարը գաղտնի մշակվել է «Project Ice Cream» աշխատանքային անվանման տակ: Սպասվում է, որ նոր նախագծում Քիանու Ռիվզի փոխարեն Նեոյի դերը կխաղա Մայքլ Բ. Ջորդանը:
Առայժմ տեղեկություններ չկան այն մասին, թե ինչպիսին կլինի ֆրանշիզայի շարունակությունը՝ ռեբութ, սփին-օֆ, սիքվել կամ պրիքվել, բայց արդեն հայտնի է, որ Նեոյին կխաղա ոչ թե Քիանու Ռիվզը այլ Մայքլ Բ.Ջորդանը, որը հանդիսատեսին հայտնի է «Սեւ Հովազը» եւ «Կրիդ» ֆիլմերով:
Չորրորդ «Մատրիցան» նկարահանելու են Վաչովսկի քույրերը, համենայնդեպս, նախագծում իր հետաքրքրության մասին հայտնել է Լանա Վաչովսկին, սցենարիստ է հանդես գալու Զաք Փենը, ով հայտնի է «Անհավանական Հալք» եւ «Առաջին խաղացող, պատրաստ» աշխատանքներով:
