Նոյեմբերի 12-ին Ամերիկյան կինոակադեմիան հայտարարել է բոլոր այն ֆիլմերը, որոնք Օսկարի են ներկայացվել Լավագույն վավերագրական ֆիլմ անվանակարգում: Ցուցակում ընդգրկվել են 159 լիամետրաժ նախագծեր: Ամբողջական ցուցակը հայտնվել է Ակադեմիայի պաշտոնական կայքում:
15 ֆիլմից բաղկացած շորթ-լիստը կհայտարարվի դեկտեմբերի 16-ին: Ընտրված ֆիլմերը կարող են հավակնել նաեւ Օսկարի այլ անվանակարգերում, այդ թվում ՝ Լավագույն ֆիլմին:
Օսկարի հավակնորդների ամբողջական ցուցակը հայտնի կդառնա 2020 թվականի հունվարի 13-ին: Մրցանակի հանձնման 92-րդ արարողությունը տեղի կունենա 2020 թվականի փետրվարի 9-ին Լոս Անջելեսում: Հեռարձակումը հասանելի կլինի 225 երկրներում, այդ թվում Հայաստանում: Ակադեմիայի գիտական եւ տեխնիկական մրցանակների հանձնումը հետաձգվել է մինչեւ 2020 թվականի հունիսը:
ԳՈՎԱԶԴ
ԳՈՎԱԶԴ
