Դեդփուլը որոշել է նշել պատմական իրադարձությունը՝ հոլիվուդյան երկու մեյջորների՝ Walt Disney-ի և Fox-ի միաձուլումը, որի իրավաբանական ձևակերպումը պաշտոնապես կայացել է: Twitter սոցիալական ցանցում դերասան Ռայան Ռեյնոլդսը իր էջում հրապարակել է մի լուսանկար, որը հայտնի մուտանտին ներկայացնում է նոր կերպարով:
Լուսանկարում Շատախոս Վարձկանը դպրոցական ավտոբուսում է՝ «Դիսնեյ» մակագրությամբ, իսկ նրա գլխին պատկերված է Walt Disney ընկերության ամենաճանաչված խորհրդանիշը՝ Միկի Մաուսի ականջները: «Կարծես առաջին դասարանում եմ», — ասված է մեկնաբանության մեջ:
Հիշեցնենք, որ Walt Disney-ը 71,3 միլիարդ դոլարով գնել է 21st Century Fox ընկերությունը՝ իրեն պատկանող բոլոր ակտիվներով: Այդ գործարքի արդյունքում նրան ենթակա Marvel ստուդիան իր լիակատար տրամադրության տակ է ստացել կոմիքսների հերոսների, որոնց իրավունքները երկար տարիներ տնօրինում էր Fox-ը:
