Հայաստանի կինեմատոգրաֆիստների միությունն առաջարկել է իր սեփականությունը հանդիսացող շուրջ 1219 քմ եռահարկ կապիտալ շինությունը տրամադրել և այդ շինության տարածքում ստեղծել Ազգային Սինեմատեք՝ Հայաստանի Ազգային կինոթանգարան կրթական-մշակութային-զբոսաշրջային խոշոր կենտրոն: Վարչապետի հրամանով ուսումնասիրվում է նախագիծը, քննարկվում են ընթացքն ու հետագա քայլերը:
Ի պատասխան «Իրատեսի» հարցի, թե ե՞րբ իրականություն կդառնա Սինեմատեքը, և մատչելիության, գների, սպասարկման ի՞նչ քաղաքականոթյուն է լինելու, որ հասանելի լինի սոցիալական բոլոր շերտերին, ՀՀ կինեմատոգրաֆիստների միության նախագահ Հարություն Խաչատրյանն ասաց, որ դեռ այնքան ճանապարհ կա անցնելու մինչ այդ: Ինչ խոսք աշակերտների, ուսանողների համար կլինի անվճար բազա, գիտնականների ու ուսումնասիրողների համար ազատ, զբոսաշրջիկների համար գուցե որոշակի գումար սահմանվի: Սակայն այս ամենի մասին խոսելը շուտ է, որովհետև Խաչատրյանն կարծում է, որ երկու-երեք տարի պետք է, որ կենտրոնը կայանա, դա էլ կախված է նրանից, կկարողանա՞ն ֆինանսավորել, թե՞ ոչ:
«Ոգևորվել ենք, ցանկանում ենք, բայց ֆինանսավորման որոշում դեռ չկա: Երբ կառավարության որոշումը լինի և պարզ լինի, որքան գումար է տրամադրվելու, այն ժամանակ ես կարող եմ առավել հստակ պատասխանել ձեր հարցին»,- եզրահանգեց Հարություն Խաչատրյանը:
