Warner Bros. Pictures ստուդիան հայտարարել է «Թոմն ու Ջերին» կինոտարբերակի պրեմիերայի պաշտոնական ամսաթիվը: Ֆիլմը կինոթատրոնների էկրաններին կհայտնվի 2021 թվականի ապրիլի 16-ին:
Ֆիլմի սյուժեի համաձայն՝ Ջերի մկնիկը երջանիկ ապրում է Նոր Անգլիայում գտնվող մեծ տանը և հիանալի հարաբերություններ ունի առանձնատան տերերի՝ տարեց զույգի հետ: Սակայն ծերերի վաղաժամ մահվանից հետո տունը վաճառքի է հանվում, և այն գնում է երիտասարդ ընտանիքը: Ջերին չի պատրաստվում հարաբերություններ հաստատել նոր տերերի հետ և որոշում է նորապսակներին տնից դուրս հանել: Սակայն նրանք փողոցից Թոմ անունով թափառող կատու են վերցնում, որպեսզի նա օգնի նրանց ազատվել վնասատուից: Տան օջախի համար էպիկական ճակատամարտի մեջ մտնելով՝ Թոմն ու Ջերին շուտով հասկանում են, որ երկուսն էլ անտարբեր չեն ընտանիքի անդամների ճակատագրի հանդեպ: Այսպիսով, հերոսները որոշում են միասին գործել և միավորել ուժերը՝ փորձելով պաշտպանել իրենց նոր տերերին արտաքին սպառնալիքից:
Նախագծի ռեժիսորական աթոռը կզբաղեցնի Թիմ Սթորին («Ֆանտաստիկ քառյակ» դիլոգիան, «Առաքելություն Մայամիում»): «Թոմն ու Ջերին» ֆիլմի նկարահանումները կմեկնարկեն այս ամռանը:
