Դեկտեմբերի 17-ին Ամերիկյան կինոակադեմիան հայտարարել է, որ 344 լիամետրաժ խաղարկային ֆիլմեր համապատասխանում են սահմանված կանոններին եւ կարող են առաջադրվել Օսկար 2020-ի Լավագույն ֆիլմ անվանակարգում:
92 Օսկար մրցանակի հավակնելու իրավունք ստանալու համար, ֆիլմը պետք է լինի ոչ պակաս, քան 40 րոպե տևողությամբ, պետք է մեկնարկեն Լոս Անջելեսում մինչեւ դեկտեմբերի 31-ը, եւ ցուցադրվեն առնվազն յոթ օր: Այն նկարները, որոնք մինչ վարձույթը տարածվում են որեւէ այլ կերպ, չեն կարող հավակնել Օսկարի ցանկացած կատեգորիայում:
Ավելի վաղ հրապարակվել էին ինը անվանակարգերում առաջին կարճ ցուցակները: Թեկնածուների ամբողջական ցուցակը հայտնի կդառնա 2020 թվականի հունվարի 13-ին: Մրցանակի հանձնման 92-րդ արարողությունը տեղի կունենա 2020 թվականի փետրվարի 9-ին Լոս Անջելեսում: Հեռարձակումը հասանելի կլինի 225 երկրներում, այդ թվում նաև Հայաստանում: Ակադեմիայի գիտական եւ տեխնիկական մրցանակների հանձնումը հետաձգվել է մինչեւ 2020 թվականի հունիսը:
