ԱՄՆ-ում մայիսի 27-ին կգործարկվի HBO Max հոսքային ծառայությունը: Այս մասին հայտնի է դարձել այն բանից հետո, երբ սոցիալական ցանցերում հայտնվել են գովազդային հայտարարություններ, որոնք հայտարարում են այս օնլայն կինոթատրոնի գործարկման ամսաթիվը: WarnerMedia-ի նախագիծը կդառնա վերջին խոշոր մեկնարկներից մեկը, որը նախաձեռնել են մեդիահոլդինգները Netflix-ի հետ մրցակցելու համար հեռանկարային օնլայն միջավայրում:
Հիշեցնենք, որ 2019 թվականի նոյեմբերի 12-ին գործարկվել է Disney+ ծառայությունը, որն այժմ ունի ավելի քան 50 մլն բաժանորդ ամբողջ աշխարհում, իսկ ապրիլի 15-ից գործարկվել է NBCUniversal-ի Peacock ծառայությունը: Նրա հաջողությունների մասին դեռ ոչինչ չի հաղորդվում, լուրեր են պտտվում, որ դրանք սպասվածից համեստ են:
Ինչպես եւ վերը նշված խաղացողները, HBO Max-ը խաղադրույք կկատարի իր մայրական հոլդինգի բովանդակության ընդարձակ գրադարանի, ինչպես նաեւ օրիգինալ ֆիլմերի, շոուների եւ սերիալների վրա: Այդ թվում՝ HBO վճարովի հեռուստաալիքի սերիալներն ու նախագծերը, ինչպես նաեւ «Ընկերներ» հիթ-սերիալը, որն այսուհետ հասանելի կլինի միայն HBO Max-ում: Բաժանորդների համար նոր ծառայությունը ամենաթանկն է լինելու վերջերս գործարկվածներից. ամսական դրա համար ստիպված կլինեն վճարել միանգամից 15 դոլար: Բաժանորդագրության տարբեր տարբերակներ, ինչպես այլ ծառայություններում, դեռեւս չեն ենթադրվում:
