Ադրբեջանական կողմը վերականգնել և շահագործման է հանձնվել Բերձոր քաղաքում գտնվող կինոթատրոնի շենքը: Բացման ֆիլմն էր Գուլու Ասկերովի «Ես այստեղ եմ, Ամենակարող» (Men Burdayam İlahi):
Ռեժիսորի խոսքով՝ ֆիլմի հիմնական թեման պատերազմի հետևանքով մարդկանց հասցված բարոյահոգեբանական վնասվածքն է:
Ինչպես հաղորդում է Ազերթաջը, նոյեմբերի 9-ին բացման միջոցառմանը մասնակցել են Արեւելյան Զանգեզուրի տնտեսական շրջանի մեջ մտնող Լաչինի շրջանում Ադրբեջանի Հանրապետության նախագահի հատուկ ներկայացուցչության աշխատակիցները, «Բաքու Աբադլըգ Հիդմեթի» ՍՊԸ-ն, հասարակության ներկայացուցիչներ, իրավապահ մարմինների աշխատակիցներ եւ զինծառայողներ: Բացմանը հնչել է ԱՀ-ի օրհներգը:
Միջոցառման բացմանը ելույթ ունեցողները պատմեցին կինոթատրոնի շենքի մասին և, որ «օկուպացիայի» ժամանակ հայերի կողմից ամբողջությամբ ավերված կինոթատրոնի շենքը վերականգնվել է Բերձորի «ազատագրումից» 8 ամիս անց:
230 տեղանոց Կինոյի տան շենքի ներքին մակերեսը կազմում է 350 քմ, բեմի մակերեսը՝ 82 քմ, էկրանի չափը՝ 70 քմ: Կինոթատրոնը սպասարկում է Park Cinema կինոթատրոնների ցանցը:
