Ռուսական ընկերությունները մարտին ներկայացրեցին Բեռլինի Եվրոպական կինոշուկայի իրենց ձեռքբերումները: Այսպես հայտնի դարձավ Հայաստանի պատմության մասին պատմող «Ուրարտու: Մոռացված թագավորություն» ֆիլմի վաճառքի մանրամասները:
«Օդին մեդիա» ընկերությունը հանդիսանում է տվյալ ֆիլմի կինոդիստրիբյուտոր և իրենց փաթեթից ամենապահանջված երկրորդ ֆիլմը հենց «Ուրարտու: Մոռացված թագավորություն» ֆիլմն է: Իտալական RAI հեռուստաալիքը հաստատել է Իտալիայում պրեմիերային ցուցադրության իրավունքների ձեռքբերումը, ինչպես նաեւ նախագիծն ընտրել են Կորեայի և Թուրքիայի դիստրիբյուտորները:
Ավելի վաղ ֆիլմը ցուցադրվել էր RTVE (Իսպանիա) պետական հեռուստաալիքով եւ հասանելի էր դարձել անգլերեն լեզվով Amazon Prime հարթակում:
Բացի այդ, «Ուրարտու. Մոռացված թագավորություն» նախագիծը ընտրվել է Dima Vision սերբական դիստրիբյուտորի կողմից՝ նախկին Հարավսլավիայի տարածքում ցուցադրվելու համար:
Ֆիլմը հասանելի է նաև իր առաջնային՝ ռուսերեն լեզվով ռուսական OKKO առցանց կինոթատրոնում:
Հիշեցնենք, որ «Ուրարտու: Մոռացված թագավորություն» վավերագրական ֆիլմի նկարահանումները տեղի են ունեցել Հայաստանում 2018 թվականին: Նախագծի արտադրողն է հայկական PARA TV և HAYASA ընկերությունը: Ֆիլմում նկարահանվել են հայտնի հայ դերասաններ, իսկ Ուրարտու պետության խոշորագույն թագավորներից մեկը՝ Սարդուրի Ա թագավորին մարմնավորել է Միքայել Պողոսյանը:
Ֆիլմի փակ պրեմիերան կայացել էր Ռուսաստանում Հայաստանի դեսպանատանը: Հայաստանում ֆիլմը չի ցուցադրվել:
