Վրաստանի մայրաքաղաք Թբիլիսիի փողոցները շուտով կվերածվեմ «Ֆորսաժ 9» (Fast and Furious 9) ֆիլմի համար նախատեսված 10 րոպեանոց հատվածի նկարահանման հրապարակի: Ֆիլմի նկարահանումները մեկնարկում են օգոստոսի 19-ին: Այդ մասին տեղեկացնում է վրացական Agenda.ge-ն:
Նկարահանումները կշարունակվեն մինչեւ սեպտեմբերի 20-ը եւ տեղի կունենան Թբիլիսիի գլխավոր փողոցներում եւ պողոտաներում՝ Ռուսթավելի պողոտա, Ազատության հրապարակ, Վաջա Պշավելա պողոտա, Բեսարիոն Ջգենտի փողոց, Ավտո Վարազի փողոց եւ Համալսարանական փողոց:
Վրաստանի Ռուսթավի քաղաքի կենտրոնական առեւտրի կենտրոնը, որը գտնվում է Թբիլիսիից 25 կմ հարավ-արեւելք, նույնպես կօգտագործվի որպես նկարահանման հարթակ:
Նկարահանող խումբը բաղկացած է 600 հոգուց, որոնցից 425-ը տեղի բնակիչներ են:
Վրաստանում «Ֆորսաժ 9» ֆիլմի նկարահանման համար կծախսվի մոտ 32 մլն լարի (մոտ 10,94 մլն դոլար/9,81 մլն եվրո), հաղորդում է Enterprise Georgia-ն ՝ «Արտադրված է Վրաստանում» պետական ծրագրի բիզնես-ստորաբաժանումը, որը նպաստում է երկրում նոր ձեռնարկությունների զարգացմանը:
«Ֆորսաժ 9» ֆիլմի ռեժիսորն է Ջասթին Լինը, ֆիլմի գլխավոր դերակատարներն են Վին Դիզելը եւ Միշել Ռոդրիգեսը:
Թբիլիսիի Enkeny Films ժամանցային արտադրանք ստեղծող ընկերությունը նկարահանելու է Վրաստանի դրվագները: «Ֆորսաժ 9» ֆիլմը կնկարահանվի «Նկարահանում Վրաստանում» պետական ծրագրի շրջանակներում: Ֆիլմի ԱՊՀ պրեմիերան նախատեսված է 2020 թվականի մայիսի 21-ին:
