Հայաստանի հանրային ռադիոն հայտարարել է վավերագրական ֆիլմի արտադրության մրցույթ՝ նվիրված հայկական ռադիոյի հիմնադրման 100-ամյակին։ Մրցույթը նախատեսում է 40–50 րոպե տևողությամբ ֆիլմի ստեղծում։
Մրցույթին կարող են մասնակցել այն ընկերությունները, որոնք ունեն վավերագրական ֆիլմարտադրության փորձ և վերջին 10 տարիների ընթացքում ստեղծել են առնվազն երեք վավերագրական ֆիլմ։
Հաղթողը կընտրվի Հանրային ռադիոյի մրցութային հանձնաժողովի կողմից՝ հայտերի ընդունման վերջնաժամկետից հետո 7 օրվա ընթացքում։ Հաղթողի հետ կկնքվի համապատասխան պայմանագիր։
Մրցութային հայտերը պետք է ներկայացվեն մինչև ապրիլի 10-ը՝ փակ ծրարով։ Դիմումները ընդունվում են Երևանում՝ Ալեք Մանուկյան 5 հասցեում գտնվող Ռադիոտանը։
Մրցույթի տեխնիկական պահանջները, անհրաժեշտ փաստաթղթերի ցանկը և ստեղծագործական առաջադրանքը ներկայացված են Հանրային ռադիոյի կայքում։
