Դերասանուհի Քիրստեն Դանսթը անվանական աստղ է ստացել Հոլիվուդի Փառքի ծառուղում: Արարողությունը տեղի է ունեցել Լոս Անջելեսում այս հինգշաբթի:
Դանսթի աջակցության խոսքեր են հայտնել ռեժիսոր Սոֆիա Կոպոլան (միասին աշխատել են «Մարիա Անտուանետայի», «Ինքնասպան կույսերը» եւ այլն), դերասան եւ Դանսթի ամուսին Ջեսի Պլեմոնսը եւ այլոք:
Դանսթը կինոարդյունաբերության մեջ աշխատում է ավելի քան երեսուն տարի. այդ ընթացքում նա նկարահանվել է բազմաթիվ ֆիլմերում, որոնք պաշտամունքային են դարձել՝ «Մաքուր բանականության հավերժ փայլատակում», «Մելանխոլիա», «Սարդ-մարդ» եռերգություն, «Հարցազրույց վամպիրի հետ» և այլ:
Վերջերս տված հարցազրույցում Դանսթը խոստովանել է, որ իրեն թերագնահատված է զգում՝ «Ինձ երբեք չեն ճանաչել արդյունաբերության մեջ: Եւ ի՞նչ եմ արել: Ես բացարձակապես հանգիստ եմ, ոչ մեկի խելքը չեմ ուտում: Գուցե ես բավականաչափ երկար չեմ նկարահանվում:»
Այժմ դերասանուհին հիմնականում զբաղված է հեռուստատեսությունում: «Ֆարգոյի» համար նա առաջադրվել էր «Ոսկե գլոբուսի» եւ «Էմմիի» անվանակարգերում: Նրա նոր՝ «Դառնալով Աստված կենտրոնական Ֆլորիդայում» սև կատակերգության առաջին սերիաները դուրս են եկել անցյալ շաբաթ:
