«Դրամական խրախուսում» ծրագրի կինոփառատոնների ցանկը վերանայվում է

Հայաստանի Հանրապետության կրթության, գիտության, մշակույթի և սպորտի նախարարությունը հանրային քննարկման է ներկայացրել «Մշակույթի ոլորտի միջազգային հեղինակավոր փառատոների և մրցանակաբաշխությունների մասնակցած և մրցանակի արժանացած մշակույթի գործիչներին, այդ թվում՝ ինքնազբաղ կամ անկախ ստեղծագործողներին դրամական խրախուսում տրամադրելու (վճարելու) կարգը և չափերը հաստատելու մասին» նախագիծը:

Նախագիծը հնարավորություն է ընձեռում ամսեկան թոշակ ստանալ այն հեղինակներին, ում ֆիլմերը ընդգրկվել են միջազգային վարկանշային կինոփառատոների անվանակարգում կամ մրցանակ են ստացել: Ինչպես նշվում է որոշման հիմնավորման մեջ «Մի­ջազգային հեղինա­կավոր փառատոների և մրցանակաբաշ­խությունների թվին են դասվում այն փա­ռատոները, մրցույթներն ու մրցանակաբաշխությունները, որոնք ցանկը հաստատվում է ոլոր­տային միջազգային կազմակերպություննե­րի (ասոցիա­ցիաների)՝ ինչպես օրինակ, Թատե­րարվեստի համաշխարհային կազմա­կերպությունը (ՎԱՊԱ (WAPA)), Եվրոպական փառա­տոնային ասոցիացիա (ԻՖԱ (EFA)), Կինոպրոդյուսերների միջազգային ֆեդերացիայի (ՖԻԱՊՖ (FIAPF)) և այլոց կողմից:»:

Հիմնավորման համաձայն ներկայացված ցանկում ընդգրկված են նաև մրցանակաբաշխություններ կամ փառա­տոներ, որոնց պարագայում երկրի մասնակցությունը նշյալ փառատոնին արդեն իսկ հա­վասարազոր է հաղթանակի։ Մասնավորապես, հայկական ֆիլմերի ընդգրկումը Օսկարի մրցանակաբաշխության ֆիլմերի կարճ ցանկում (շորթ լիստ) … արդեն իսկ համարվում է հաղթանակ, քանի որ դա նշանակում է, որ ֆիլմերը … անցել են նախըն­տրական փուլը և ընդգրկվել փառատոնային ծրագրում:»:

Այս նախագիծը հանդիսանում է 2023 թվականին ընդունված նախագծի լրամշակված տարբերակ: Նախագծում հստակեցվել են Կինոպրոդյուսերների միջազգային ֆեդերացիայի կողմից սահմանված փառատոների ուղղությունները, ավելացել են ակադեմիաների կողմից հավատարմագրված փառատոները, որոնց ցանկը կինոակադեմիաները հաստատում են ըստ իրենց գործունեության կարգերի:

Նախագծի հանրային քննարկումը մեկնարկել է հունիսի 10-ին և ավարվելու է հունիսի 25-ին:

Առաջարկում ենք ծանոթանալ կինեմատոգրաֆիայի մրցանակաբաշխությունների և փառատոների ցուցակի հետ.