2025թ․ հունվար-մայիս ամիսներին հայկական կինեմատոգրաֆը ցուցաբերել է տպավորիչ աճ՝ միաժամանակ արձանագրելով նշանակալի տարբերություններ տեղական կինոարտադրության տարբեր հատվածների միջև։ Ազգային ֆիլմերը, ներառյալ և՛ ակնհայտ կոմերցիոն նախագծերը, և՛ անկախ հեղինակային աշխատանքները, համախառն հավաքել են կինովարձույթի 62%-ը՝ զգալիորեն գերազանցելով հոլիվուդյան բլոկբաստերներին։ Սակայն այս ընդհանուր հաջողության տակ թաքնված է խորը անհավասարակշռություն տեղական կինոարտադրության տարբեր հատվածների միջև։
Հայկական կինոյի ընդհանուր հավաքները գերազանցել են 1,71 միլիարդ դրամը։ Այս տպավորիչ արդյունքը ապահովել են 14 ազգային ֆիլմերը, սակայն մանրամասն վերլուծությունը ցույց է տալիս, որ հաջողության առյուծի բաժինը պատկանում է 7 կոմերցիոն նախագծերին:
Անվիճելի առաջնորդը դարձել է «Վազգեն. Վերջին սպարապետ» կենսագրական դրաման։ 10 շաբաթ ցուցադրության ընթացքում ֆիլմը հավաքել է 389,4 մլն դրամ՝ 160,505 հանդիսատեսով։ Հատկանշական է, որ ֆիլմի միջին հասույթը շաբաթական կազմել է 38,9 մլն դրամ, ինչը գերազանցում է նույն ժամանակահատվածում ցուցադրված միջազգային բլոկբաստերների ցուցանիշները տեղական շուկայում։
Տեղական արտադրության երկորդ հաջողված նախագիծը՝ «Բարի օր 2» կատակերգությունը, 14 շաբաթ ցուցադրության ընթացքում հավաքել է 227,6 մլն դրամ՝ 90,712 հանդիսատեսով։ Ֆիլմի միջին շաբաթական հասույթը կազմել է 16,3 մլն դրամ, ինչը ցույց է տալիս դրա երկարատև պահանջարկը։
«Վազգեն. Վերջին Սպարապետը» պատմական դրաման և «Բարի օր 2» կատակերգությունը ցուցադրել են կայուն հավաքներ 9-10 շաբաթ շարունակ՝ միջինում հավաքելով 106 միլիոն դրամ յուրաքանչյուրը։ Այս նախագծերը թողարկվել են 35-50 կինոթատրոններում միաժամանակ, ունեցել են պրոֆեսիոնալ մարքեթինգային աջակցություն:
Հատկապես ցայտուն է «Բախտի տերը» կատակերգության հաջողությունը։ 15 շաբաթ ցուցադրության ընթացքում ֆիլմը հավաքել է 263,3 մլն դրամ՝ 109,441 հանդիսատեսով՝ ցուցաբերելով տպավորիչ երկարակեցություն (շաբաթական միջինը 17,6 մլն դրամ)։
«Սողոմոնի երգերը», «Ամերիկացի», ««Ես վրեժխնդիր կլինեմ աշխարհից սիրո միջոցով» Ս․ Փարաջանով» ֆիլմերը ցուցադրվել են Հայ կինոյի օրը՝ Հայաստանի կինոյի հիմնադրամի կողմից կազմակերպված ցուցադրությունների ընթացքում։
Ստորև ներկայացնում ենք տվյալ ժամանակահատվածի դրամարկղային մուտքերը:
