Հայկական ազգային կինոակադեմիան Facebook-ում հրապարակման միջոցով հայտնել է «Անահիտ-2026» 5-րդ մրցանակաբաշխության անցկացման և մասնակցության հայտերի ընդունման մեկնարկի մասին։
Մրցանակաբաշխությունը նախատեսված է 2026 թվականի ապրիլի 16-ին։
Հայտերի ընդունումը մեկնարկում է 2026 թվականի փետրվարի 2-ից և կտևի մինչև մարտի 2-ը (ներառյալ)։ Մասնակցության հայտ կարող են ներկայացվել բացառապես 2024–2025 թվականներին արտադրված ֆիլմերը։
Մրցանակներ կշնորհվեն հետևյալ անվանակարգերում՝
Ֆիլմեր
– Լավագույն խաղարկային ֆիլմ
– Լավագույն վավերագրական ֆիլմ
– Լավագույն կարճամետրաժ ֆիլմ
– Լավագույն անիմացիոն ֆիլմ
Անհատական անվանակարգեր (միայն խաղարկային լիամետրաժ ֆիլմերի համար)
– Լավագույն ռեժիսոր
– Լավագույն սցենար
– Լավագույն դերասան
– Լավագույն դերասանուհի
– Լավագույն նկարչական ձևավորում
– Լավագույն երաժշտություն
– Լավագույն հնչյունային ձևավորում
Անհատական անվանակարգեր (խաղարկային և վավերագրական լիամետրաժ ֆիլմերի համար)
– Լավագույն օպերատոր
– Լավագույն մոնտաժ
Հայտերը ներկայացվում են առցանց՝ Կինոակադեմիայի հրապարակման մեջ նշված կարգով:
Մրցանակաբաշխությանը մասնակցությունը ենթադրում է ֆիլմի պաշտոնական գրանցում ակադեմիական դիտարկման գործընթացում՝ սահմանված ժամանակացույցով և շրջանակով։ Սա նաև վերջին փուլն է 2024–2025 արտադրական շրջանի ֆիլմերի համար՝ ազգային մրցանակաբաշխության օրակարգում հայտնվելու նպատակով։
Պաշտոնական հաղորդագրությունները հրապարակման համար ուղարկեք՝ press@kinopress.am
