«20th Century Studios» ստուդիան ներկայացրել է նոր թրեյլեր՝ նվիրված նորաձևության և գրասենյակային ինտրիգների մասին կուլտային կատակերգական դրամայի շարունակությանը։ Ֆիլմի պրեմիերան նշանակված է 2026 թվականի ապրիլի 30-ին՝ ճիշտ քսան տարի անց օրիգինալ ֆիլմի թողարկումից։
Շարունակությունում Մերիլ Սթրիփը կրկին մարմնավորում է Միրանդա Փրիսթլիին՝ Runway ամսագրի գլխավոր խմբագրին, որը փորձում է պահպանել իր դիրքերը տպագիր լրագրության անկման դարաշրջանում։ Այս անգամ նրա հիմնական հակառակորդը Էմիլի Բլանթի կերպարն է՝ Միրանդայի նախկին օգնականը, որն այժմ հանդիսանում է լյուքս բրենդների խոշոր հոլդինգի ազդեցիկ թոփ-մենեջեր՝ տնօրինելով այն գովազդային բյուջեները, որոնք կենսական նշանակություն ունեն Runway-ի համար։
Էն Հեթուեյը կրկին հանդես է գալիս Անդրեա Սաքսի դերում՝ լրագրողի, որը սկսել էր իր կարիերան փայլուն, բայց դաժան գլամուրային աշխարհում և ժամանակին կանգնած էր աշխատանքի ու անձնական կյանքի միջև դժվար ընտրության առաջ։ Հիշեցնենք, որ օրիգինալ ֆիլմը համաշխարհային վարձույթում հավաքել է 326 միլիոն դոլար և դարձել է 2000-ականների ամենաճանաչված հիթերից մեկը։
Իրենց դերերին վերադառնում են նաև Սթենլի Տուչին, Թրեյսի Թոմսը և Տիբոր Ֆելդմանը։
Նոր կերպարները մարմնավորում են Քենեթ Բրանան, Փաթրիք Բրամմալը, Սիմոնա Էշլին, Լյուսի Լյուն, Բի Ջեյ Նովակը, Ջասթին Թերուն, Լեդի Գագան և Փոլին Շալամեն։
Նախագծում ներգրավված են նաև բրոդվեյյան դերասաններ Հելեն Ջեյ Շենը և Կոնրադ Ռիկամորան, ինչպես նաև կատակերգու Քեյլեբ Հիրոնը։
Ադրիան Գրենյեն, որը օրիգինալ ֆիլմում մարմնավորում էր Անդրեայի ընկերոջը, սիքվելում չի հայտնվի։
Ֆիլմի ռեժիսորը կրկին Դևիդ Ֆրենկելն է, սցենարը գրել է Էլայն Բրոշ Մաքքեննան։ Նախագծի պրոդյուսերն է Վենդի Ֆայներմենը։
Թրեյլերը ցույց է տալիս, որ «Սատանան կրում է Prada 2»-ը խաղադրույք է կատարում ոչ միայն նոստալգիայի, այլև մեդիայի ճգնաժամի և նորաձևության արդյունաբերության վերափոխման արդիական թեմաների վրա՝ պահպանելով փայլը, թունավոր երկխոսությունները և նոր կորպորատիվ պատերազմները։
Պրեմիերա՝ 2026 թվականի ապրիլի 30-ին։
