Ազգային ժողովում ընթացնում են 2026 թվականի պետական բյուջեյի նախնական քննարկումները: Նոյեմբերի 4-ին ՀՀ կրթության, գիտության, մշակույթի և սպորտի նախարար Ժաննա Անդրեասյանը ներկայացրեց 2026 թ․ պետական բյուջեի նախագիծը։ Զեկույցի ընթացքում կինեմատոգրաֆիայի ոլորտին առանձին անդրադարձ չեղավ։ Ֆինանսների նախարարը նշեց, որ բոլոր ուղղություններով նախատեսվում է աճ։
2026 թ․ նախագծով կինոյի ոլորտին նախատեսվում է հատկացնել 884 մլն 378.3 հազար դրամ։ Սա 2025 թ․ հաստատված ցուցանիշի համեմատ ավել է 42 մլն 155.4 հազար դրամով։
Կինոյի ոլորտի բյուջեն 2026 թ․
| Ուղղություն | Բովանդակություն | Տեսակ | 2026 (հազ․ դրամ) |
|---|---|---|---|
| Կինոնկարների արտադրություն | Խաղարկային, անիմացիոն, վավերագրական ֆիլմերի արտադրություն | Ծառայություններ | 478,882.0 |
| Կինո-ֆոտո-ֆոնո հավաքածուի պահպանման ծառայություններ | Կինո-ֆոտո-ֆոնո հավաքածուի պահպանում, վերականգնում | Ծառայություններ | 81,059.0 |
| Կինոծրագրերի իրականացում | Խաղարկային, վավերագրական և անիմացիոն կինոնկարների արդտադրության ապահովում | Ծառայություններ | 102,257.6 |
| Կինոարվեստի հանրահռչակում | Կինոարվեստի հանրահռչակում, տարածում, մատչելիության ապահովում | Ծառայություններ | 97,844.7 |
| Կինոարտադրության ներդրումների վերադարձ | Կինոոլորտում ներդրումների մասնակի վերադարձի մեխանիզմի գործարկում, կինոարդյունաբերության զարգացում, միջազգային համագործակցության ընդլայնում | Ծառայություններ | 124,335.0 |
Համեմատություն 2025 թ․ տվյալների հետ
| Ուղղություն | 2025 (հազ․ դրամ) | Տարբերություն |
|---|---|---|
| Կինոնկարների արտադրություն | 478,882.0 | 0 |
| Կինո-ֆոտո-ֆոնո հավաքածուի պահպանման ծառայություններ | 81,059.0 | 0 |
| Կինոծրագրերի իրականացում | 102,257.6 | 0 |
| Կինոարվեստի հանրահռչակում | 55,689.3 | +42,155.4 |
| Կինոարտադրության ներդրումների վերադարձ | 124,335.0 | 0 |
Տվյալները ցույց են տալիս, որ ոլորտում աճը վերաբերում է հիմնականում «կինոարվեստի հանրահռչակման» բաղադրիչին, մինչդեռ արտադրության, ծրագրերի և հավաքածուի պահպանման ֆինանսավորումը պահպանվել է նույն մակարդակում։
Մշակույթի ոլորտի համատեքստ
Ստորև բերված աղյուսակը ներկայացնում է 2025 և 2026 թթ․ բյուջետային հատկացումները մշակույթի մի շարք խոշոր ծրագրերով.
| Ուղղություն | 2025 (մլն դրամ) | 2026 (մլն դրամ) | Տարբերություն |
|---|---|---|---|
| Արվեստների ծրագիր | 10,161.7 | 10,809.0 | +647.3 |
| Ակադեմիական քաղաքի ստեղծում | 2,114.0 | 4,966.3 | +2,852.3 |
| Հանրային հեռարձակողի խոհրուրդ | 8,374.0 | 8,285.1 | –88.9 |
Այս տվյալները ներկայացնում են կինոյի ոլորտի բյուջեի համամասնությունը մշակույթի այլ ծրագրերի համեմատ։
2026 թ․ բյուջեում կինոյի համար նախատեսված ընդհանուր ֆինանսավորումը աճել է, սակայն աճը հիմնականում վերաբերում է հանրահռչակման բաղադրիչին։ Մնացած հիմնական ուղղությունները, ներառյալ ֆիլմարտադրությունը, պահպանվել են 2025 թ․ մակարդակում։
Տվյալները ցույց են տալիս, որ կինոյի ոլորտի ֆինանսավորումը շարունակում է մնալ համեմատաբար փոքր՝ մշակույթի և կրթության այլ խոշոր ծրագրերի համեմատությամբ։
2026 թ․ նախագծով կինոյի համար առաջարկվող բյուջետային հատկացումները ավելացել են, սակայն կառուցվածքային առումով էական փոփոխություններ չեն դիտվում։ Ֆինանսավորման աճը չի ուղեկցվում ոլորտային քաղաքականությունների կամ նոր առաջնահերթությունների ներկայացմամբ։
