Չնայած անցյալ ամիս Սան Դիեգոյի Comic-Con-ի Marvel-ի բոլոր էպիկական հայտարարություններին, երկրպագուները մի փոքր հիասթափված էին, որ, մասնավորապես, «Սեւ Հովազ 2»-ի թողարկման ամսաթիվը չի հայտարարվել:
Շաբաթ օրը D23 Expo-ում Marvel ստուդիան մեծ անակնկալ է պատրաստել երկրպագուների համար՝ հայտնելով ֆիլմի թողարկման ամսաթիվը՝ 2022 թվականի մայիսի 6-ը: Ֆիլմի ռեժիսորական աթոռը կրկին կզբաղեցնի Ռայան Կուգլերը:
«Սեւ Հովազ» ֆիլմը թողարկվել է 2018 թվականի փետրվարին, Marvel-ի տիեզերքի ամենահասութաբեր ֆիլմերից մեկն է: Ֆիլմի հավաքները կազմել են ավելի քան 700 մլն դոլար ԱՄՆ-ի տարածքում, իսկ ընդհանուր հասույթը գերազանցել է 1,3 մլրդ դոլարը: «Սև Հովազը» պատմության մեջ միակ սուպերհերոսական ֆիլմն է, որը առաջադրվել է Օսկարի «Լավագույն ֆիլմ» անվանակարգում:
