Բուլղարիայի Sofia Meetings համարտադրության շուկան ընդունում է զարգացման և հետարտադրության փուլում գտնվող լիամետրաժ խաղարկային նախագծերի, ինչպես նաև հեռուստանախագծերի հայտեր։
Զարգացման փուլի լիամետրաժ խաղարկային նախագծերի համար պահանջները հետևյալն են.
- Լոգլայն և Սինոփսիս
- Սցենար կամ թրիթմենթ
- Բյուջե
- Ֆինանսական պլան
- Ռեժիսորի տեսլական
- Պրոդյուսերի տեսլական
- Ռեժիսորի CV
- Պրոդյուսերի և/կամ արտադրող ընկերության CV
- Ռեժիսորի նախորդ աշխատանքների հղումներ:
Զարգացման փուլում գտնվող հեռուստանախագծերի համար պահանջները հետևյալն են.
- Նախագծի 1-2 էջանոց փիթչ
- Պիլոտային սերիայի թրիթմենթ կամ սցենար
- Նախագծի աստվածաշունչ(Series Bible), որը ներառում է կերպարների, աշխարհի և եթերաշրջանի նկարագրությունը
- Ֆինանսական պլան
- Բյուջե
- Թիզեր/Վիզուալ նյութեր (առկայության դեպքում)
- Սցենարի հեղինակի/ների CV
- Պրոդյուսերի CV:
Բոլոր պահանջված նյութերը պետք է ուղարկվեն sofiameetings@siff.bg էլ. հասցեին մինչև Դեկտեմբերի 15-ը։
Արտադրության մեջ գտնվող նախագծերը պետք է լինեն ուշ հետարտադրության փուլում կամ արդեն ավարտված և պետք է ունենան 60 րոպեից ավել տևողություն։
Պահանջները հետևյալն են.
- Սինոփսիս
- Համառոտ տվյալները՝ ռեժիսոր, պրոդյուսեր, թիմի մյուս անդամներ
- Տևողություն
- Արտադրող երկիր
- Հետարտադրության որ փուլում է
- Ինչ է նախագիծը փնտրում համարտադրության շուկայում
- Ամբողջական ֆիլմի/սևագրի հղումը կամ 20 րոպեանոց հատված ֆիլմից:
Բոլոր պահանջված նյութերը պետք է ուղարկվեն sofiameetings@siff.bg էլ. հասցեին մինչև Հունվարի 15-ը
22-րդ Sofia Meetings-ը տեղի կունենա 2025 թվականի մարտի 19-23-ը Սոֆիայի 29-րդ միջազգային կինոփառատոնի շրջանակներում (2025 թվականի մարտի 13-23):
Sofia Meetings-ը բաղկացած է երեք առանձին մոդուլներից:
Լիամետրաժ ֆիլմերի փիթչինգ՝ ռեժիսորի առաջին, երկրորդ և երրորդ նախագծերի ներկայացում, համապրոդյուսերների որոնում, վաճառք և դիստրիբուցիա:
Սերիալների փիթչինգ՝ հեռուստասերիալների համար նախագծերի ներկայացում, համապրոդյուսերների որոնում:
Works in Progress՝ ֆիլմերի ցուցադրություն հետարտադրական տարբեր փուլերում փառատոնի ծրագրողների, վաճառքի գործակալների, դիստրիբյուտորների, ցուցահանդեսի մասնակիցների և միջազգային մամուլի համար:
Sofia Meetings-ը նաև ներկայացնում է ոլորտային ծրագիր՝ տարբեր միջոցառումներով՝ Instrustry Talks, Europa Distribution և Europa Cinemas Workshops, VR/Transmedia Hub, որտեղ ներկայացված են հետաքրքիր ինտերակտիվ միջոցառումներ՝ առանցքային բանախոսներով, պանելային քննարկումներով, շնորհանդեսներով և բազմաթիվ ոչ ֆորմալ միջոցառումներով:
Կինոարդյունաբերության ավելի քան 500 ղեկավարներ՝ պրոդյուսերներ, դիստրիբյուտորներ, կինոշուկաների ներկայացուցիչներ, վաճառքի ընկերություններ, կինոֆոնդեր, հեռուստատեսային բայերներ և այլ կինոմասնագետներ աշխարհի տարբեր անկյուններից, ինչպես նաև առանցքային կինոփառատոների ներկայացուցիչներ և ռեժիսորներ հավաքվում են Սոֆիայում՝ ծանոթանալու նոր նախագծերի և ֆիլմերի:
