Հուլիսի վերջին Ռուսաստանի Ռոսկոմնադզորը և ՆԳՆ-ն դիմում էին ներկայացրել՝ խնդրելով վարչական պատասխանատվության ենթարկել more.tv օնլայն ծառայության սեփականատերերին և ադմինիստրատորներին «Ծտեր» սերիալում ԼԳԲՏ և ֆեմինիզմ քարոզելու համար: Այս մասին հուլիսի 26-ին հայտնել է ՌԲԿ-ն:
Փաստաթղթի տակ դրված է Սանկտ Պետերբուրգում և Լենինգրադի մարզում ընտանիքի պաշտպանության հասարակական լիազոր Օլգա Բարանեցի ստորագրությունը: Դիմումատուն նշել է, որ սերիալում շեշտը դրվում է անչափահաս հերոսի ոչ ավանդական կողմնորոշման վրա, ինչպես նաև բացասական լույսի ներքո ցուցադրվում են տղամարդկանց կերպարները:
Օնլայն ծառայության և ՆՄԳ Ստուդիո կինոընկերության ներկայացուցիչները, որոնք զբաղվում էին սերիալի արտադրությամբ, հայտնել են, որ իրենց նկատմամբ պաշտոնական բողոք չի եղել: Նրանք նաև նշել են, որ իրենց նախագիծն անդրադառնում է դաստիարակության և սոցիալականացման խնդիրներին, ինչպես նաև ուշադրություն է դարձնում ընտանիքի դերին երեխայի անձի կայացման գործում:
