Ապրիլի 16-ին, Հայ կինոյի օրը, Հայաստանի կինոգործիչների միության Կինոյի տան մեծ դահլիճում, Հայաստանի կինոգործիչների միության հովանու տակ կայացավ Հայաստանի պրոֆեսիոնալ կինոգիլդիաների երկրորդ մրցանակաբաշխությունը։
Հայաստանի կինոգործիչների միության անունից ներկաներին ողջունեց և օրվա առթիվ շնորհավորեց միության նախագահի գլխավոր խորհրդական Արայիկ Մանուկյանը։
Հանդիսության մասնակիցներին ողջունեց և կինոյի օրվա առթիվ շնորհավորեց Հայաստանի կրթության, գիտության, մշակույթի և սպորտի նախարար Ժաննա Անդրեասյանը։
Նախարարը նաև կինոյի օրվա առթիվ մեդալներ, շնորհակալագրեր և պատվոգրեր հանձնեց մի շարք կինոգործիչների՝ արժևորելով վերջիններիս ավանդը և ներդրումը հայկական կինոյում։
Հայաստանի կրթության, գիտության, մշակույթի և սպորտի նախարարության մեդալով պարգևատրվեցին Հայաստանի կինոյի հիմնադրամի Կինոժառանգության բաժնի գլխավոր ֆոնդապահ Լարիսա Ստեփանյանը՝ հայկական կինոժառանգության պահպանման և կինոարվեստի զարգացման գործում ունեցած ներդրման համար և Ծովինար Սողոմոնյանը՝ վավերագրական կինոյի զարգացման և հանրահռչակման գործում նշանակալի ավանդի և ներդրման համար:
Շնորհակալագրեր հանձնվեցին «Սինեմա Սթար» մուլտիպլեքսի կառավարիչ Թամարա Մովսիսյանին, «Կինոպարկ» կինոթատրոնի Ֆիլմերի վարձակալության և ֆիլմերի պլանավորման մենեջեր Մարինա Ղամբարյանին, «Կինոմոսկվա» կինոթատրոնի գլխավոր հաշվապահ Նինա Ադոյանին և «Կինո Հայաստան» կինոթատրոնի կինոբաժնի ղեկավար Անգելինա Հովակիմյանին:
Պատվոգիր հանձնվեց «Կինոաշխարհ» թվային հարթակի գլխավոր խմբագիր Ռուզաննա Բագրատունյանին:
Պարգևատրման արարողությանը ներկա էր նաև ԿԳՄՍ նախարարի տեղակալ Դանիել Դանիելյանը և Հայաստանի կինոյի հիմնադրամի տնօրեն Դավիթ Բանուչյանը: Այնուհետև սկսվեց բուն մրցանակաբաշխության արարողությունը։
ՊՐՈԴՅՈՒՍԵՐՆԵՐԻ ԵՎ ՌԵԺԻՍՈՐՆԵՐԻ ԳԻԼԴԻԱՅԻ ՄՐՑԱՆԱԿ
«Խաղարկային լիամետրաժ ֆիլմի լավագույն պրոդյուսեր» ճանաչվեց Արման Նշանյանը՝ «Ամերիկացի» ֆիլմի համար։
«Խաղարկային լիամետրաժ ֆիլմի լավագույն ռեժիսոր» ճանաչվեց Աննա Մաքսիմը՝ «Մեդալի հակառակ կողմը» ֆիլմի համար։
«Խաղարկային կարճամետրաժ ֆիլմի լավագույն պրոդյուսեր» ճանաչվեց Նարե Լեոնե Տեր-Գաբրիելյանը՝ «Գյուղը որ կանգնի» ֆիլմի համար։
«Խաղարկային կարճամետրաժ ֆիլմի լավագույն ռեժիսոր» ճանաչվեց Վահան Գրիգորյանը՝ «Ձու» ֆիլմի համար։
Մրցանակները հանձնեցին Պրոդյուսերների և ռեժիսորների գիլդիայի նախագահ Արտյոմ Բաղդասարյանը, կինոյի և թատրոնի դերասան, Հայաստանի ժողովրդական արտիստ Միքայել Պողոսյանը, կինոպրոդյուսեր Արման Միտոյանը, թատրոնի և կինոյի ռեժիսոր Արշալույս Հարությունյանը և դերասանուհի Անի Խաչիկյանը։
ՍՑԵՆԱՐԻՍՏՆԵՐԻ ԳԻԼԴԻԱՅԻ ՄՐՑԱՆԱԿ
«Խաղարկային լիամետրաժ ֆիլմի լավագույն սցենարիստ» ճանաչվեց Աննա Մաքսիմը՝ «Մեդալի հակառակ կողմը» ֆիլմի համար։
«Խաղարկային կարճամետրաժ ֆիլմի լավագույն սցենարիստ» ճանաչվեց Օֆելյա Հարությունյանը՝ «Գյուղը որ կանգնի» ֆիլմի համար։
Մրցանակները հանձնեցին գիլդիայի նախագահ Լևոն Գալստյանը, կինոյի և թատրոնի դերասանուհիներ Ֆրիդա Յորքը և Կարինե Քոչարյանը։
ՕՊԵՐԱՏՈՐՆԵՐԻ ԳԻԼԴԻԱՅԻ ՄՐՑԱՆԱԿ
«Խաղարկային լիամետրաժ ֆիլմի լավագույն օպերատոր» ճանաչվեց Սուրեն Թադևոսյանը՝ «Մեդալի հակառակ կողմը» ֆիլմի համար։
«Խաղարկային կարճամետրաժ ֆիլմի լավագույն օպերատոր» ճանաչվեց Արթուր Ուստյանը՝ «Անգլուխ ձիավորներ» ֆիմի համար։
«Վավերագրական ֆիլմի լավագույն օպերատոր» ճանաչվեց Արթուր Ղարայանը՝ «Տաղ․ հոգու ճանապարհ» ֆիլմի համար։
Մրցանակները հանձնեցին գիլդիայի հիմնադիր նախագահ, այսօր՝ գիլդիայի փոխնախագահ Վահագն Տեր-Հակոբյանը, կինոգետ, կինոքննադատ Դիանա Մարտիրոսյանը, «Մանքի ստուդիոյի» տնօրեն Անդրանիկ Թորոսյանը, «Ոսկե Ծիրան» միջազգային կինոփառատոնի գեղարվեստական ղեկավար Կարեն Ավետիսյանը։
ՆԿԱՐԻՉՆԵՐԻ ԳԻԼԴԻԱՅԻ ՄՐՑԱՆԱԿ
«Խաղարկային լիամետրաժ ֆիլմի լավագույն նկարիչ-դիմահարդար» ճանաչվեց Հասմիկ Ղազարյանը՝ «Մեդալի հակառակ կողմը» ֆիլմի համար։
«Խաղարկային լիամետրաժ ֆիլմի լավագույն նկարիչ» ճանաչվեցին Ավետ Տոնոյանցը և Ներսես Սեդրակյանը՝ «Ամերիկացի» ֆիլմի համար։
«Խաղարկային լիամետրաժ ֆիլմի լավագույն հագուստի նկարիչ» ճանաչվեց Լաուրա Աթանյանը՝ «Սևազգեստ կանայք» ֆիլմի համար։
Մրցանակները հանձնեցին գիլդիայի նախագահ Արմեն Ղազարյանը, նկարիչների միության նախագահ Սուրեն Սաֆարյանը, կինոպրոդյուսեր, սցենարիստ, Թատրոնի և կինոյի պետական ինստիտուտի Կինոյի, հեռուստատեսության և անիմացիայի ֆակուլտետի դեկան Լիանա Սմբատյանը և նկարիչ, դիզայներ, «Գյումրի արթ ուիք» միջազգային փառատոնի հիմնադիր Սարգիս Հովհաննիսյանը։
ԱՆԻՄԱՑԻՈՆ ՖԻԼՄԵՐԻ ԳԻԼԴԻԱՅԻ ՄՐՑԱՆԱԿԸ
«Անիմացիոն կարճամետրաժ ֆիլմի լավագույն սցենարիստ» ճանաչվեց Ռոման Բալայանը՝ «Թռչող տերևների երգը» ֆիլմի համար։
«Անիմացիոն կարճամետրաժ ֆիլմի լավագույն նկարիչ» ճանաչվեց Հարութ Թումաղյանը՝ «Սևանիկ» ֆիլմի համար։
«Անիմացիոն կարճամետրաժ ֆիլմի լավագույն ռեժիսոր» ճանաչվեց Արմինե Անդան՝ «Թռչող տերևների երգը» ֆիլմի համար։
Մրցանակները հանձնեցին գիլդիայի նախագահ Արմինե Անդան, պրոդյուսեր Հայկանուշ Ներսեսյանը, ռեժիսոր, «Մեկ կադր» կինոփառատոնի հիմնադիր-նախագահ Գագիկ Ղազարէն և ՌեԱ փառատոնի հիմնադիր-նախագահ Վրեժ Քասունին։
ԿԻՆՈԳԵՏՆԵՐԻ ԵՎ ԿԻՆՈԼՐԱԳՐՈՂՆԵՐԻ ԳԻԼԴԻԱՅԻ ՄՐՑԱՆԱԿ
«Կինոգիտական լավագույն աշխատություն» անվանակարգում մրցանակը շնորհվեց Գարեգին Զաքոյանին՝ «Նռան գույնը» ֆիլմի վավերագիր պատմությունը» գիրք-ալբոմի համար։
«Կինոյի մասին լավագույն հաղորդում» անվանակարգում մրցանակը շնորհվեց բուն tv-ի՝ «Փարաջանովը և մենք» հաղորդաշարը, հեղինակ՝ Րաֆֆի Մովսիսյան։
Մրցանակները հանձնեցին կինոգետների և կինոլրագրողների ասոցիացիա-գիլդիայի նախագահ Սուսաննա Հարությունյանը և մարդաբան, մշակութաբան Լևոն Աբրահամյանը։
Հատուկ մրցանակ կինոյում ունեցած ավանդի համար՝ շնորհվեց նկարիչ դեկորատոր Աղասի Հայրապետյանին և լույսի վարպետ Դավիթ Գևորգյանին։
Մրցանակները հանձնեցին ռեժիսոր, պրոդյուսեր Վարդան Հակոբյանը և նկարիչ Արմեն Ղազարյանը։
Մրցանակաբաշխության ընթացքում ներկաներին տեսաուղերձներով դիմեցին Ատոմ Էգոյանը, Մկրտիչ Մալխասյանը, Վիգեն Չալդրանյանը, Սերժ Ավեդիքյանը։
Միջոցառման ընթացքում հիշեցին բոլոր նրանց, ովքեր անցնող տարիներին հեռացել էին կյանքից և շնորհավորեցին բոլոր հոբելյարներին։
Մասնագիտական գիլդիաները ստեղծված են իրենց շահերն ու իրավունքները պաշտպանելու համար, որ հայկական կինոն, կինոյի արտադրությունն ունենա շատ ավելի մեծ զարգացումներ:
Երեկոյի ռեժիսորն էր Հրանտ Մովսիսյանը, երեկոն վարեցին՝ դերասան Ներսես Ավետիսյանը և դերասանուհի Սաթենիկ Հազարյանին,
Միջոցառմանը աջակցել են Հանրային հեռուստաընկերությունը, «Արմենիա» հեռուստաընկերույանը, «Ա-Թի-Վի» հեռուստաընկերությանը, «Կարաս» ընկերությանը, «Բեկոն» ընկերությանը։
