Netflix-ը հրապարակել է «Էլ Կամինո. Վատից վատը» լիամետրաժ ֆիլմի թողարկման ամսաթիվը եւ պրոմո-հոլովակը: Սերիայի շարունակությունը հոկտեմբերի 11-ին կհայտնվի հոսքային ծառայությունում և կկենտրոնանա Ջեսսի Փինկմանի (Ահարոն Փոլ) վրա:
Ռեժիսոր և սցենարիստ է հանդես եկել սերիալի հեղինակ Վինս Գիլիգանը: Ըստ սյուժեի՝ Փինկմանը փախչում է Արիական եղբայրությունից, որտեղ գերի էր վերցվել: Թաքնվելով արդարադատությունից եւ ոխերիմ թշնամիներից՝ նա ստիպված է հաշտվել անցյալի հետ եւ ապահովել իր բնականոն ապագան:
Ֆիլմը նկարահանվել է խիստ գաղտնիության մեջ: Անունը վերաբերում է Chevrolet El Camino մակնիշի մեքենային, որով Փինկմանը փախուստի է դիմել: Առայժմ հայտնի չէ, թե ֆիլմում կհայտնվեն արդյոք սերիալի այլ կերպարներ, որոնց մարմնավորել են Բրայան Քրենսթոնը (Ուոլթեր Ուայթ), Բոբ Օդենկերկը (Սոլ Գուդման) եւ այլոք:
