Twitter-ում «Վրիժառուներ: Վերջնախաղ» ֆիլմում Սեւ այրու մահվան այլընտրանքային տեսարանով տեսանյութ են հրապարակել: Վերջնական տարբերակում Նատաշան եւ Քլինտը պայքարում են միմյանց հետ՝ իրենց կյանքը զոհաբերելու իրավունքի համար, որպեսզի ստանան Քարը Վորմիրում: Ինչպես պարզվեց, ի սկզբանե ամեն ինչ այլ կերպ պետք է լիներ:
Ալտերնատիվ տարբերակում Այրին եւ Բազեի աչքը կռվում են Տանոսի զինվորների հետ, որոնց Քարի հետևից են ուղարկել: Այդ ժամանակ Նատաշան վիրավորվում է եւ մինչեւ ժայռից նետվելը փրկում է Քլինտի կյանքը: Սակայն ռեժիսորներ Էնթոնին եւ Ջո Ռուսոն որոշել են վերանկարահանել տեսարանը, քանի որ այն չափազանց բարդ էր եւ անհարմար:
