Աարոն Թեյլոր-Ջոնսոնի գլխավոր դերակատարմամբ «Կրեյվեն: Որսորդը» ֆիլմը վերջինն է Սարդ մարդու սփին օֆների տիեզերքում, որի մեջ մտնում են նաև «Վենոմ»-ը, «Մորբիուս»-ը և «Մադամ Սարդոստայնը»-ը: Sony Pictures-ը հրաժարվում է չարագործների մասին ֆիլմեր նկարահանելու ծրագրերից, հայտնում է The Wrap-ը։
Ստուդիան ընդհանուր առմամբ ծախսել է ավելի քան 465 միլիոն դոլար հակահերոսների տիեզերքի ֆիլմեր արտադրելու համար, բայց յուրաքանչյուր նոր թողարկման հետ հանդիսատեսի հետաքրքրությունը նվազել է:
«Sony-ի Սարդ մարդու սփին օֆների ամենամեծ խնդիրը, կարծես, որակի պատշաճ վերահսկողության բացակայությունն է: Այս ֆիլմերը պարզապես… այդքան էլ լավը չեն», — պատմել է ինսայդերը։
Ըստ մեկ այլ աղբյուրի, Sony-ն ամբողջությամբ կենտրոնանալու է «Սարդ մարդը 4» ֆիլմի վրա, որի գլխավոր դերակատարն է Թոմ Հոլանդը, անիմացիոն ֆիլմերի, ինչպիսիք են «Սարդ Մարդը. Տիեզերքի միջով»-ը և «Սարդ-մարդ Նուար» սերիալը՝ Նիկոլաս Քեյջի մասնակցությամբ:
Գլորվեց ձնագնդիկը…
Variety պորտալը հոդված էր հրապարակել՝ նվիրված Sony-ի կինատիեզերքի զարգացմանը, որը հիմնված է Սարդ մարդու թշնամիների վրա: Ստուդիային մոտ կանգնած աղբյուրները պատմել են, որ Disney-ի հետ գործարքի պայմանները Sony-ին թույլ են տվել սուպերհերոսին գործի դնել իր ֆիլմերում, սակայն ստուդիան հրաժարվել է այդ քայլից:
Sony-ի ղեկավարությունը կարծում էր, որ հանդիսատեսի համար դժվար կլինի ընկալել Թոմ Հոլանդի Սարդ մարդուն Marvel-ի կինեմատոգրաֆիական տիեզերքի հետ կապ չունեցող նախագծերում։ Միևնույն ժամանակ, «Վենոմ»-ի հաջողությունը, որը 2018-ին հավաքեց 850 միլիոն դոլար, ամրապնդեց ստուդիայի վստահությունը չարագործների մասին ֆիլմերի ինքնավարության մեջ:
Այնուամենայնիվ, հետագա նախագծերը՝ «Մորբիուս» և «Մադամ Սարդոստայն» ձախողվեցին։ Ըստ ինսայդերի, Sony-ն թերագնահատել է Վենոմի յուրահատկությունը և չի կարողացել հանդիսատեսին առաջարկել որակյալ այլընտրանք:
Ավելի վաղ՝ 2015-ին, Sony-ն և Disney-ը պայմանավորվել էին համագործակցել՝ թույլ տալով Սարդ մարդուն հայտնվել Marvel-ի կինեմատոգրաֆիական տիեզերքում, բայց հերոսի իրավունքները մնացել էին Sony-ին՝ նրան ազատություն տալով հերոսին օգտագործել իր իսկ ֆիլմերում:
«Կրեյվեն: Որսորդ»-ի դրամարկղում անհաջող մեկնարկի մասին քննարկումների ֆոնին, Deadline-ը հայտնեց, որ Sony-ն չի նախատեսում թողարկել Մայլս Մորալեսի հաջորդ մուլտֆիլմը 2025 թվականին:
Sony-ն չի ցանկանում, որ պատմությունը կրկնվի, ուստի «Սարդ մարդը: Սարդեզերքից այն կողմ» ֆիլմին ուշադիր հետևում է, ասում են լրագրողները:
Ֆիլմը ի սկզբանե պետք է թողարկվեր 2024 թվականի մարտի 29-ին, սակայն թողարկումը անորոշ ժամանակով հետաձգվեց դեռևս 2023 թվականի ամռանը՝ Հոլիվուդում բողոքի ցույցերի պատճառով։
«Կրեյվեն: Որսորդը» հայկական կինոթատրոնների էկրաններին է հայտնվել դեկտեմբերի 12-ին և հավաքել է 7.7 մլն. դրամ: Ոչ այնքան վաղ՝ հոկտեմբերի 24-ին Sony Pictures-ի «Վենոմ 3. Վերջին պարը» կինոնկարը իր մեկնարկային շաբաթվա ընթացքում հավաքել էր 29.5 մլն. դրամ:
