Disney ներկայացրել է իր պլանները և գալիք նախագծերը

Այսօր Երևանի ժամանակով ժամը 01:30-ին տեղի է ունեցել Դիսնեյ ընկերության ամենամյա լայնամասշտաբ միջոցառումը՝ Disney Investor Day 2020: Այս տարի միջոցառումը անցկացվում էր առցանց և այն հնարավոր էր դիտել ընկերության պաշտոնական կայքում: Ուղիղ եթերում ընկերության ներկայացուցիչները պատմեցին լայնածավալ ծրագրերի մասին:

Disney-ի գլխավոր տնօրեն Բոբ Չապեկը պատմել է, որ դեկտեմբերի 2-ին Disney + բաժանորդների թիվը հասել է 86,8 միլիոնի: Համեմատության համար նշենք, որ հոկտեմբերին այդ թիվը կազմում էր 73,7 միլիոն:

Disney-ը ծրագրում է 10 սերիալ Marvel-ի տիեզերքում, «Աստղային պատերազմներ» ֆրանշիզայի 10 սերիալ, ինչպես նաև 15 ֆիլմեր և մուլտֆիլմեր (այդ թվում՝ Pixar-ից): Ու սա դեռ ամենը չէ:

Ընկերությունը ընդլայնել է հոսքային ծառայության աշխարհագրությունը, սակայն ամբողջ աշխարհում այն դեռևս անհասանելի է:

Disney+ կհայտնվի մեծահասակների բաժին, որտեղ կհայտնվի R վարկանիշով բովանդակությունը, ինչպիսին է «Դեդփուլը»: Այդ բաժին մուտք գործելու համար օգտատերերը պետք է մուտքագրեն գաղտնաբառը:

20th Century Studios-ը և Searchlight Pictures-ը այժմ կզբաղվեն Hulu առցանց կինոթատրոնի համար բացառիկ ֆիլմերի արտադրությամբ:

Disney-ն աշխատում է «Օտարի» սերիալի վրա։ Դրանով զբաղվում են Ռիդլի Սքոթը և «Ֆարգո» սերիալի շոուրաներ Նոա Հոուլին: Շոուի իրադարձությունները կծավալվեն Երկրի վրա:

Walt Disney Studios Motion Pictures Production

Ընկերությունները ներկայացրել է կինոթատրոնային ֆիլմերը և Disney+ համար ստեղծվող հատուկ բովանդակությունը:

«Ֆոկուս-մոկուս 2» հելոուինյան երաշժտական կատակերգությունը, «Երեք տղամարդ և երեխա» ֆիլմի ռեմեյքը Զաք Էֆրոնի մասնակցությամբ, «Սեյֆթի» դրաման, «Սառցե դարաշրջան. Բաքի արկածները» և «Գիշերը թանգարանում» անիմացիոն նախագծերը դեռևս նախապատրաստական շրջանում են:

Disney+ լրացուցիչ ծրագրերը ներառում են «Չիփ և Դեյլ. փրկարար ռենջերներ» հիբրիդային անիմացիոն ֆիլմը՝ Ջոն Մուլանիի և Էնդի Սամբերգի մասնակցությամբ:

Ռեժիսոր Ռոբերտ Զեմեկիսի «Պինոկիո» ֆիլմը՝ Թոմ Հենքսի մասնակցությամբ գլխավոր դերում: Ներկայացվել է կարճ տեսաշար:

https://www.youtube.com/watch?v=prRmX88ZbvI

Էմի Ադամսը վերադառնում է Դիսնեյ «Կախարդվածը» ֆիլմի շարունակությունում:

Ջուդ Լոուն կմարմնավորի Նավապետ Կեռիկին «Փիթր Փենը և Վենդին» կինոնկարում, իսկ Յարա Շահիդին կներկայանա Զընգ-զընգ փերիի դերում:

https://youtu.be/J9srKoGr_K0

Ստուդիան նաև նախապես ներկայացրել է գեղարվեստական ֆիլմերի իր ցուցակը, այդ թվում՝ «Կրուիզը ջունգլիներում» , «Քրուելա» , «Առյուծ արքա» ֆիլմի պրիկվելը և «Ջրահարսը» :

Նաև պաշտոնապես հայտարարվել է «Գործի՜ր, քույրիկ 3» ֆիլմը և Վուպի Գոլդբերգի վերադարձը:

Թերթիր Marvel, Lucasfilm և այլ բաժանմունքների նորություններին ծանոթանալու համար:

Walt Disney Animation Studios

Այսօր Walt Disney Animation Studios մի քանի նախագծի մասին է խոսել: Ներկայացվել է առաջիկա լիամետրաժ «Էնկանտո» անիմացիոն ֆիլմը, որը ներառում է «Էմմի», «Գրեմմի» և «Թոնի» մրցանակների դափնեկիր Լին Մանուել Միրանդայի նոր երգերը և պետք է կինոթատրոններ դուրս գա 2021 թվականի նոյեմբերին:

https://youtu.be/xTuu5VhlEEI

«Ռայան և վերջին վիշապը» անիմացիոն ֆիլմը կթողարկվի մարտի 5-ին միաժամանակ կինոթատրոններում և Disney+ հոսքային ծառայությունում: Սակայն հետևելով «Մուլանի» օրինակին այս ֆիլմի համար նույնպես անհրաժեշտ է լինելու հավելյալ վճարել: Ընկերության բոլոր խոշոր ռելիզները ունենալու են հիբրիդային վարձույթի մոդել: ԱՊՀ երկրներում ֆիլմերը թողարկվելու են կինոթատրոններում որոշ ուշացումով:

Բացի այդ WDAS-ի կողմից թողարկվելու են անիմացիոն սերիալներ Disney+ համար, ներառյալ «Բեյմաքս» , «Կենդանապոլիս+» , «Թիանա» և «Մոանա: Սերիալ» , ինչպես նաև «Iwájú» , որը կթողարկվեն Kugali կոմիքսների արտադրության պանաֆրիկյան ընկերության հետ համագործակցությամբ:

Թերթիր Marvel, Lucasfilm և այլ բաժանմունքների նորություններին ծանոթանալու համար:

Lucasfilm

Ընկերությունը հայտարարել է «Մանդալորացու» երկու սփին-օֆֆների մասին՝ «Նոր Հանրապետության ռենջերները» և «Ասոկա» ՝ Ռոզարիո Դոուսոնի մասնակցությամբ գլխավոր դերում:

Այնուհետև ներկայացվեց Կասիան Անդորի մասին պատմող «Անդոր» սերիալի տեսահոլովակը։ Այն կթողարկվի 2022 թվականին, ճշգրիտ ամսաթիվը դեռ հայտնի չէ:

https://www.youtube.com/watch?v=gSW-pARyP-M&feature=emb_title

Դիսնեյը հաստատել է, որ Հեյդեն Քրիստենսենը կվերադառնա Էնաքին Սքայուոքերի (ավելի ճիշտ՝ Դարթ Վեյդերի) դերին Օբի-Վան Քենոբիի մասին պատմող սերիալում: Սյուժեն կընթանա «Սիթհերի վրեժի» իրադարձություններից 10 տարի անց։

https://youtu.be/wMebeVCbyYo

Ներկայացվել է նաև « The Bad Batch »/«Վատ Զորախումբը» դեբյուտային թրեյլերը։ Մուլտսերիալը նույնիսկ մոտավոր թողարկման ամսաթիվ չունի։

https://www.youtube.com/watch?v=YB9DIxdB198

«Աստղային պատերազմների» հաջորդ ֆիլմը ստացել է «Rogue Squadron»/«Ըմբոստ Էսկադրոնը» անվանումը։ Նրա բեմադրությամբ կզբաղվի «Հրաշք կին» ֆիլմի ռեժիսոր Փեթի Ջենքինսը։

https://youtu.be/Rl2BLLDAnvo

«Աստղային պատերազմների» երկրպագուներին սպասում են նաև «Լենդո» սերիալը, Visions պատմությունների անթոլոգիան և The Acolyte շոուն՝ Բարձրագույն Հանրապետության դարաշրջանի վերջի մասին: Կթողարկվի նաև «Դրոիդի պատմությունը» : Ստուդիան վերանայում է «Ուիլոու» Ուորվիկ Դևիսի մասնակցությամբ, որը վերադառնում է իր դերին:

Թերթեք էջը Marvel, Pixar ընկերությունների նյութերին ծանոթանալու համար :

Pixar Animation Studios

Pixar Animation Studios ստուդիան ներկայացրել է Disney+ համար նախատեսված օրիգինալ սերիաների և լիամետրաժ ֆիլմերի իր առաջիկա ցուցակը:

https://youtu.be/_F0-Kq4hXCY

Վերնագրերի թվում են Pixar ընկերության պատմության մեջ առաջին լիամետրաժ անիմացիոն «Հաղթիր կամ պարտվիր» սերիալը, որը նորամուտը կնշի բացառապես Disney+ ծառայությունում 2023 թվականի աշնանը, և երկու բոլորովին նոր լիամետրաժ ֆիլմ, որոնք կինոթատրոններում կցուցադրվեն 2022 թվականին: «Օսկար» մրցանակի արժանացած ռեժիսորներ Դոմի Շինի «Կարմրում են» և «Բազզ Լայթեր» անիմցաիոն ֆիլմը, որը ոգեշնչված է խաղալիքի պատմությունով:

Ներկայացվել են նաև «Inside Pixar», «PixarPopcorn», «Dug Days» («Վեր» անիմացիոն ֆիլմի հիման վրա) և «Cars» սերիալները:

https://youtu.be/Hoez3V-pR9c

Marvel Studios

Քևին Ֆայգին ներկայացրեց Marvel Studios ընկերության գալիք նախագծերը: Marvel Studios-ը պլանավորում է ընդլայնել Marvel կինեմատոգրաֆիական տիեզերքը: Առաջիկա տասնյակ նախագծերի թվում ներկայացվել են Disney+ համար երեք նոր սերիալներ, այդ թվում՝ Սեմյուել Լ. Ջեքսոնի մասնակցությամբ «Գաղտնի ներխուժումը» , «Երկաթե սիրտը» Դոմինիկ Տորնի մասնակցությամբ և «Զրահազգեստների Պատերազմներ» ՝ Ջեյմս Ռոդսի մասնկացությամբ գլխավոր դերում:

Marvel-ը թողարկել է «ՎանդիՎիժնի» երկրորդ թրեյլերը։ Սերիալն կթողարկվի հունվարի 15-ին Disney+ ծառայությունում:

https://www.youtube.com/watch?v=UBhlqe2OTt4

Այնուհետեւ ուշադրություն է դարձվել «Բազեն և Ձմեռային զինվորը» սերիալին, որը թողարկման ամսաթիվ ունի՝ մարտի 19: Դրա հետ մեկտեղ սերիալը դեբյուտային թրեյլեր է ստացել։

https://www.youtube.com/watch?v=jkBfGvb7NzM

Marvel-ը նաև ցուցադրել է «Լոկիի» թրեյլերը։ Սերիալը կթողարկվի 2021-ի մայիսին, պրեմիերայի ճշգրիտ ամսաթիվը թեռ անհայտ է մնում:

https://www.youtube.com/watch?v=G4JuopziR3Q

Ներկայացվել են «Ի՞նչ կլիներ, եթե…» , «Միսս Մարվել» առաջին պաշտոնական տեսահոլովակները:

https://www.youtube.com/watch?v=4iLVoEg9aLk

https://www.youtube.com/watch?v=TRNI9TtBM5E

Բացի այն ներկայացվել են «Կին-Հալք» , «Ես Գրութն եմ» , «Լուսնային ասպետ» նախագծերը: Բազմաթիվ նոր լիամետրաժ ֆիլմերի թվում է «Մրջյուն-Մարդը եւ Կրետը: Քվանտամանիա» , «Մրջյուն-մարդը» ֆրանշիզայի երրորդ լիամետրաժ ֆիլմը և «Ֆանտաստիկ քառյակը» , որը ներկայացնում է Marvel-ի ամենաճանաչված ընտանիքը: