2026 թվականի հունվար–փետրվարին Հայաստանի կինոթատրոններում ընդհանուր տոմսարկղային մուտքերը կազմել են 560.861.300 դրամ, իսկ ընդհանուր հանդիսատեսը՝ 230.951 մարդ: Տվյալները ներառում են բոլոր ժանրերը և հաշվարկված են 2026 թվականի հունվարի 1-ից մինչև փետրվարի 27-ը ընկած ժամանակահատվածում։
Տոմսարկղային աղյուսակի առաջին հորիզոնականում է «Ֆուլ Հաուս․ Վայրէջք» ֆիլմը՝ 342.405.000 դրամ ընդհանուր հավաքներով։ Բացման հանգստյան օրերի ցուցանիշը կազմել է 75.843.875 դրամ և 29.807 հանդիսատես, իսկ բացման շաբաթվա՝ 117.347.025 դրամ և 49.121 հանդիսատես։
Երկրորդից հինգերորդ տեղերում են՝
- «Սպասուհին» — 41.822.875 դրամ
- «Չեբուրաշկա 2» — 39.263.250 դրամ
- «Արարատ 73» — 33.541.675 դրամ
- «Մոլեգին հողմերի դարավանդ» — 25.128.650 դրամ
Տասնյակում ընդգրկված մյուս նախագծերի հավաքները տատանվում են 5-13 մլն դրամի միջակայքում։ Աղյուսակի վերջնամասում գտնվող ֆիլմերի ցուցանիշները չեն գերազանցում մեկ միլիոն դրամը։
Հաշվետվության համաձայն, դիտարկվող ժամանակահատվածում բացման հանգստյան օրերի ընդհանուր ցուցանիշը կազմել է 142.860.275 դրամ, իսկ բացման շաբաթվա ընդհանուր շրջանառությունը՝ 213.388.900 դրամ։
Տվյալները արտացոլում են Հայաստանի կինոթատրոնային շուկայի առաջին երկամսյակի ֆինանսական պատկերը։
