Վենետիկի միջազգային կինոփառատոնի անկախ բաժինը՝ «Միջազգային քննադատության շաբաթը» (Settimana Internazionale della Critica), որը նվիրված է դեբյուտային լիամետրաժ ֆիլմերին, հայտարարել է հայտերի ընդունման մեկնարկի մասին: Փառատոնը կանցկացվի 2025 թվականի օգոստոսի 27-ից սեպտեմբերի 6-ը՝ 40-րդ անգամ:
Մասնակցել կարող են խաղարկային, վավերագրական, հիբրիդային, փորձարարական կամ անիմացիոն ֆիլմեր: Կազմակերպիչները փնտրում են նոր պատմություններ, ձայներ և հայտնագործություններ, որոնք «կարող են տեսնել մեր շուրջը գտնվող աշխարհը և վերաիմաստավորել այն իրենց ձևով»:
Հիմնական ծրագրում ընտրված յոթ նախագծերը կմրցեն տարբեր դրամական մրցանակների համար, ինչպես նաև «Ապագայի առյուծ» լավագույն դեբյուտային ֆիլմի մրցանակի համար, որը կազմում է 100 հազար դոլար:
Հայտերի ընդունումը բաց կլինի մինչև 2025 թվականի հունիսի 20-ը:
Ըստ կանոնակարգի՝
- Ֆիլմը պետք է լինի ռեժիսորի առաջին լիամետրաժ աշխատանքը:
- Նվազագույն տևողությունը՝ 60 րոպե:
- Ֆիլմը պետք է ավարտված լինի փառատոնից 12 ամիս առաջ (Վենետիկ 2024-ից Վենետիկ 2025):
- Ֆիլմը չպետք է ցուցադրված լինի կինոթատրոններում կամ այլ միջազգային փառատոններում: Բացառություն են կազմում միայն նախագծի հայրենի երկրում 2025 թվականին անցկացված փառատոնները: Առաջնահերթությունը կտրվի համաշխարհային պրեմիերաներին:
Մանրամասն կանոնները հրապարակված են Քննադատության շաբաթվա կայքում: Ֆիլմը կարող եք ներկայացնել հատուկ առցանց ձևի միջոցով (աշխատանքը ուղարկելու համար պահանջվում է վճարել 50 եվրո վճար):
