Օգոստոսի 25-ին Եվրոպական կինոակադեմիան / European Film Academy-ը հայտարարեց Եվրոպական կինոմրցանակին / European Film Awards-ին մասնակցելու համար ընտրված 13 վավերագրական ֆիլմերի անունները: Այս տարի Եվրոպական կինոմրցանակի վավերագրական ընտրության մեջ ներկայացված են 14 եվրոպական երկրներ:
Գարին Հովհաննիսյանի «Ես մենակ չեմ» նոր վավերագրական ֆիլմը՝ Հայաստանի ժողովրդական շարժման մասին, որը տապալեց իշխող ռեժիմը 2018 թվականի ապրիլ-մայիս ամիսներին ընդգրկվել է մրցույթային ծրագրում:
Հնարավոր թեկնածուների ցանկում նկարների ընդգրկման որոշումն ընդունել է EFA վավերագրական կինոյի խորհուրդը: Այն բաղկացած է EFA վարչության անդամներից՝ Գրացիելլա Բիլդեսհայմը (Իտալիա) և Հենինգ Կամմը (Գերմանիա), ինչպես նաև վավերագրական փորձագետներից՝ Վետոն Նուրկոլարին (Կոսովո), Ռադա Շեշիչը (Բոսնիա և Հերցեգովինա / Նիդեռլանդներ / Խորվաթիա), Ելենա Սուբիրա ի Ռոքը (Իսպանիա) և Ալեքս Սզալցը (Ֆրանսիա):
EFA-ի անդամներն առաջիկայում կընտրեն հինգ վավերագրական ֆիլմ, որոնք կընդգրկվեն կարճ ցուցակում: Այդ նկարներից մեկը կստանա 2020 թվականի Լավագույն եվրոպական վավերագրական ֆիլմի կոչումը: «European Documentary 2020» հաղթողը կհայտարարվի մրցանակաբաշխության ժամանակ, որը տեղի կունենա դեկտեմբերի 12-ին Ռեյկյավիկում:
Վավերագրական ֆիլմեր, որոնք հավակնում են EFA մրցանակին՝
Acasa — My Home — Radu Ciorniciuc (Ռումինիա/Գերմանիա/Ֆինլանդիա)
Collective — Alexander Nanau (Ռումինիա/Լյուքսեմբուրգ)
I Am Not Alone — Garin Hovannisian (Հայաստան)
Little Girl — Sébastien Lifshitz (Ֆրանսիա)
Once More Unto the Breach — Federico Ferrone & Michele Manzolini (Իտալիա)
Saudi Runaway — Susanne Regina Meures (Շվեյցարիա)
Self Portrait — Margreth Olin, Katja Hogset & Espen Wallin (Նորվեգիա)
State Funeral — Sergei Loznitsa (Նիդեռլանդներ/Լիտվա)
The Cave — Feras Fayyad (Սիրիա/Դանիա/Գերմանիա/ԱՄՆ/Կատար)
The Earth Is Blue as an Orange — Iryna Tsilyk (Ուկրաինա/Լիտվա)
The Euphoria of Being — Réka Szabó (Հունգարիա)
They Call Me Babu — Sandra Beerends (Նիդեռլանդներ)
Walchensee Forever — Janna Ji Wonders (Գերմանիա)
Աղբյուր՝ Cineuropa
