Ինչպես հաղորդում Է Deadline-ը, Marvel Studios-ը նշանակել է «Շանգ‒Չի» կինոկոմիքսի ռեժիսորին՝ ասիական քունգֆու-սուպերհերոսի մասին ֆիլմի բեմադրությամբ կզբաղվի Դեստին Դենիել Քրեթոնը («Ապակե ամրոց», «Կարճ ժամանակահատված 12»):
Շանգ-Չին մարտարվեստների վարպետ է Չինաստանից, որը տիրապետում է Կունգ ֆուին և ունակ է ստեղծել ինքն իր անսահման քանակությամբ պատճեններ: Կոմիքսների էջերում հայտնվել է 1973 թվականին: Կերպարն ստեղծվել է Բրյուս Լիի հետ «Վիշապի ելք» ֆիլմի և Դևիդ Քերադայնի հետ «Կունգ-ֆու» սերիալի ժողովրդականության ալիքի ժամանակ:
Սցենարի ստեղծումը ստուդիան հանձնարարել է չին-ամերիկյան հեղինակ Դեյվ Քալահամին («Անզուսպ», «Գոձիլա», «Doom»): Հաղորդվում է, որ Marvel-ը ցանկանում է կրկնել «Սև հովազի» հաջողությունը և այս պահին փնտրում են ասիական ծագում ունեցող դերասաններին:
