«Օրիոն» ընկերությունների խումբը Ռուսաստանում սկսել է հեռարձակել Timeless Dizi Channel (TDC) հեռուստաալիքը: Սա SPI International-ի արտադրության նոր հեռուստաալիք է, այն նվիրված է թուրքական դրամատիկական սերիալներին՝ «դիզի» ժանրում։ Հեռուստաալիքը հասանելի է դարձել նոյեմբերի 16-ից:
Դիզին ժամանակակից բարձրարժեք սերիալների հատուկ տեսակ է, որոնց սյուժեները արտացոլում են թուրքական մշակույթն ու արժեքները: Մեկ սերիայի միջին արժեքը կազմում է մոտ 200 հազար դոլար:
«Թուրքիան ԱՄՆ-ից հետո հեռուստատեսային սերիալների աշխարհում երկրորդ խոշորագույն արտահանողն է: Նրանց արդեն դիտում են ավելի քան 400 մլն հանդիսատես 140 երկրներում, — ասում է Իրինա Դիվնոգործևան՝ «Օրիոն» ԸԽ միջազգային նախագծերի տնօրենը: Դիզիի ժանրի հանրաճանաչությունն այսօր ուսումնասիրվում է որպես սոցիալական ֆենոմեն: Ցանցում, այդ թվում Ռուսաստանում, կան բազմաթիվ ֆան-ակումբներ: Այս կապակցությամբ ես կարծում եմ, որ այս ալիքի հայտնվելը մշակութային իրադարձություն է: Եվ մենք ուրախ ենք հաղորդակից լինել նրան»:
Առաջինը այն կարող են գնահատել «Տելեկարտա» արբանյակային հեռուստատեսության բաժանորդները, ինչպես նաև «Պրեմիեր Տելեկարտա» առցանց կինոթատրոնի օգտատերերը:
«Թուրքական արտադրության սերիալներն այսօրվա դրությամբ երկրի ամենահայտնի տնտեսական և մշակութային արտահանումն են, և մենք ուրախ ենք այդ կոնտենտն առաջարկել Ռուսաստանի հեռուստադիտողներին» — ասում է ԱՊՀ երկրներում, Մերձավոր Արևելքում և Հյուսիսային Աֆրիկայում, Խաղաղօվկիանոսյան տարածաշրջանում, Մերձբալթիկայում և Բուլղարիայում SPI դիստրիբյուցիայի բաժնի տնօրեն Մուրատ Մուրատօղլուն:
