«Ճիչ» ֆիլմի Twitter պաշտոնական էջում հրապարակվել է Ուես Քրեյվենի պաշտամունքային շարքի առաջիկա հինգերորդ մասի առաջին թիզերը:
Հոլովակում, իհարկե, նոր սլեշերից ոչ մի կադր չկա, քանի որ նկարահանումները դեռ չեն մեկնարկել, քանի դեռ շարունակվում է քասթինգը: Թիզերում ցուցադրել են մոլագարի «ուրվական» դիմակը և բացահայտել պրեմիերայի ամսաթիվը:
Paramount Pictures ընկերությունը «Ճիչ 5» կինոնկարը կթողարկի 2022 թվականի հունվարի 14-ին: Ի սկզբանե թողարկումը նախատեսված էր 2021 թվականին, սակայն ստուդիան ստիպված էր հետաձգել այս և այլ նախագծերը կորոնավիրուսի պատճառով:
«2022 թվականի հունվարի 14-ին մենք կլսենք ձեր ՃԻՉԸ»
Առայժմ հայտնի չէ, թե արդյոք Նիվ Քեմփբելը կվերադառնա Սիդնի Պրեսկոտի դերին, նրա հետ դեռ բանակցություններ են ընթանում: Սակայն Քորթնի Քոքսը և Դևիդ Արկետը կրկին կխաղան լրագրող Գեյլ Ուեսերսին և Շերիֆ Դյուի Ռայլիին համապատասխանաբար:
