Սեպտեմբերի 7-ին հայտնի դարձան Վենետիկի 81-րդ կինոփառատոնի մրցանակակիրները:
Տղամարդու լավագույն դերակատարման համար Վոլպիի գավաթը ստացել է ֆրանսիացի դերասան Վենսան Լինդոնը «Խաղ կրակի հետ» ֆիլմի համար:
Փառատոնի հիմնական մրցույթում ցուցադրվել է 22 ֆիլմ: Դրանց թվում են Թոդ Ֆիլիպսի «Ջոկեր. խելագարություն երկուսի համար», Լուկա Գուադանյինոյի «Քվիր», Պեդրո Ալմոդովարի «Կողքի սենյակը», Պաբլո Լարաինի «Մարիա», Բրեդի Քորբեթի «Բրուտալիստ»:
Ալեքսանդրոս Ավրանասի «Հանգիստ կյանք» դրաման, որը մասնակցել է Հորիզոններ մրցույթային ծրագրում, Interfilm-ի անկախ ժյուրիի կողմից արժանացել է «Միջկրոնական երկխոսության խթանման» մրցանակին:
Այս տարի հիմնական ժյուրին գլխավորել է ֆրանսիացի դերասանուհի Իզաբել Յուպերը: Նրա հետ ֆիլմերը գնահատել են ամերիկացի ռեժիսոր Ջեյմս Գրեյը, բրիտանացի ռեժիսոր Էնդրյու Հեյը, լեհ ռեժիսոր Ագնեշկա Հոլանդը, բրազիլացի ռեժիսոր Քլեբեր Մենդոնսա Ֆիլյոն, մավրիտանացի ռեժիսոր Աբդերահման Սիսակոն, իտալացի ռեժիսոր Ջուզեպե Տորնատորեն, գերմանացի ռեժիսոր Ջուլիա ֆոն Հայնցը և չինացի դերասանուհի Չժան Ցզիին:
Վենետիկի 81-րդ միջազգային կինոփառատոնի մրցանակակիրներ
Հիմնական մրցույթ
Լավագույն ֆիլմ
«Կողքի սենյակը» / «The Room Next Door», ռեժիսոր՝ Պեդրո Ալմոդովար (Իսպանիա)
«Արժանապատիվ կյանքի ավարտի ընտրությունը միայն այն մարդկանց արտոնությունն է, ովքեր կարող են դա իրենց թույլ տալ, երբ չկա ճանաչված իրավունք, և կղերականությամբ տիրապետված համատեքստում այդ արժանապատվությունը կրում է նաև քրեականացման խարան։ Ֆիլմի հերոսուհին ունի տնտեսական և մշակութային ռեսուրսներ՝ կազմակերպելու իր սեփական մահը՝ շրջանցելով օրենքի սահմանափակումները. ճանապարհ, որը անցնում է հանգստությամբ, առանց կասկածների կամ մետաֆիզիկական մտահոգությունների՝ օգտագործելով առիթը՝ առերեսվելու անցյալին և վերականգնելու մարդկային հարաբերությունները։ Օրինակ, թե ինչպես կարող է մահվան նկատմամբ աշխարհիկ մոտեցումը դառնալ կյանքի տոն։»
այսպես են հիմնավորել «Կողքի սենյակը» ֆիլմի հաղթանակը:
Ժյուրիի Գրան պրի
«Վերմիլյո» / «Vermiglio», ռեժիսոր՝ Մաուրա Դելպերո (Իտալիա, Ֆրանսիա, Բելգիա)
Ժյուրիի հատուկ մրցանակ
«Ապրիլ» / «April», ռեժիսոր՝ Դեա Կուլումբեգաշվիլի (Վրաստան, Ֆրանսիա, Իտալիա)
Լավագույն ռեժիսորական աշխատանք
«Բրուտալիստ» / «The Brutalist», ռեժիսոր՝ Բրեդի Քորբեթ (Մեծ Բրիտանիա)
Լավագույն սցենար
Մուրիլո Հաուզեր, Էյտոր Լորեգա, «Ես դեռ այստեղ եմ» / «I’m Still Here», ռեժիսոր՝ Վալտեր Սալես (Բրազիլիա, Ֆրանսիա)
Վոլպիի գավաթ լավագույն դերասանուհու համար
Նիկոլ Քիդման՝ «Վատ աղջիկ» / «Babygirl» ֆիլմի համար, ռեժիսոր՝ Հալինա Ռեյն (ԱՄՆ)
Վոլպիի գավաթ լավագույն դերասանի համար
Վենսան Լինդոն՝ «Խաղ կրակի հետ» / «Jouer avec le feu» ֆիլմի համար, ռեժիսորներ՝ Դելֆին Կուլեն, Մուրիել Կուլեն (Ֆրանսիա)
Մարչելո Մաստրոյանիի մրցանակ Լավագույն երիտասարդ դերասանին
Փոլ Կիրշեր՝ «Եվ երեխաները նրանցից հետո» ֆիլմի համար / «Leurs Enfants Après Eux», ռեժիսորներ՝ Լյուդովիկաոս Բուխերմա, Զորան Բուխերմա (Ֆրանսիա)
Հորիզոններ
Լավագույն ֆիլմ
«Նոր տարի, որ այդպես էլ չեկավ» / «The New Year That Never Came», ռեժիսոր՝ Բոգդան Մուրեսանու (Ռումինիա, Սերբիա)
Լավագույն ռեժիսորական աշխատանք
«Ծանոթ հպում» / «Familiar Touch», ռեժիսոր՝ Սառա Ֆրիդլանդ (ԱՄՆ)
Ժյուրիի հատուկ մրցանակ
«Այն օրերից մեկը, երբ Հեմմեն կմահանա» / «One of Those Days When Hemme Dies», ռեժիսոր՝ Մուրատ Ֆիրատօղլու (Թուրքիա)
Լավագույն սցենար
«Ուրախ տոներ» / «Happy Holidays», ռեժիսոր՝ Սկանդար Կոպտի (Գերմանիա, Իտալիա, Քաթար)
Լավագույն դերասանուհի
Քեթլին Չելֆանտ «Ծանոթ հպում» / «Familiar Touch» ֆիլմի համար, ռեժիսոր՝ Սառա Ֆրիդլանդ (ԱՄՆ)
Լավագույն դերասան
Ֆրանչեսկո Գեգի «Ընտանիք» / «Familia» ֆիլմի համար, ռեժիսոր՝ Ֆրանչեսկո Կոստաբիլե (Իտալիա)
Լավագույն կարճամետրաժ ֆիլմ
«Ով սիրում է արևը» / «Who Loves the Sun», ռեժիսոր՝ Արշիա Շակիբա
Հորիզոններ Extra
Հանդիսատեսի մրցանակ
«Ականատես» / «The Witness», ռեժիսոր՝ Նադեր Սայվար (Գերմանիա, Ավստրիա)
Այլ մրցանակներ
Լուիջի Դե Լաուրենտիսի անվան լավագույն դեբյուտի մրցանակ
«Ծանոթ հպում» / «Familiar Touch», ռեժիսոր՝ Սառա Ֆրիդլանդ (ԱՄՆ)
FIPRESCI մրցանակ
«Բրուտալիստ» / «The Brutalist», ռեժիսոր՝ Բրեդի Քորբեթ (Մեծ Բրիտանիա)
Վենետիկյան Դասական
Կինոյի մասին լավագույն վավերագրական ֆիլմի համար
«Շղթայական ռեակցիա» / «Chain Reactions», ռեժիսոր՝ Ալեքսանդր Օ. Ֆիլիպ (ԱՄՆ)
Լավագույն վերականգնված ֆիլմի համար
«Ecce bombo», ռեժիսոր՝ Նաննի Մորետտի (Իտալիա, 1978)
Վենետիկի 81-րդ միջազգային կինոփառատոնի շրջանակներում կայացավ Զառա Ջյանի ««Ես վրեժխնդիր կլինեմ աշխարհից սիրո միջոցով» Ս․Փարաջանով» վավերագրական դրամայի միջազգային պրեմիերան, որը ընդգրկված էր Վենետիկյան Դասական (Venice Classics) ծրագրում:
