HBO-ն պաշտոնապես ներկայացրեց «Հարրի Փոթերի» տիեզերքի հիման վրա ստեղծվող նոր սերիալի գլխավոր դերասաններին։ Հարրի Փոթերիի դերը վստահվել է Դոմինիկ Մակլաֆլինին, Հերմայոնի Գրեյնջերին կխաղա Արաբելլա Ստենթոնը, իսկ Ռոն Ուիզլիի կերպարը կկատարի Ալասթեր Ստաուտը։
Նկարահանումները կսկվեն այս ամռանը։ Դերասանների ընտրությունը տեղի է ունեցել Մեծ Բրիտանիայից և Իռլանդիայից մասնակցած ավելի քան 32 հազար երեխայի միջև։ Սերիալը հիմնված է Ջոան Ռոուլինգի յոթ գրքերի վրա, որոնք կներկայացվեն յոթ եթերաշրջանների ընթացքում։
Ալբուս Դամբլդորի դերը կկատարի ամերիկացի Ջոն Լիթգոնը, Սևերուս Սնեյփին՝ Պաապա Էսսեդուն, պրոֆեսոր Միներվա Մակգոնագըլին՝ Ջանեթ Մաքթիրը, իսկ Ռուբեուս Հագրիդի կերպարը՝ Նիկ Ֆրոստը։
Սերիալի մեկ սերիայի արտադրության բյուջեն գնահատվում է 75 միլիոն ֆունտ ստերլինգ, ինչը խոսում է նախագծի մեծ ծավալների մասին։
Հիշեցնենք, որ մինչ այս «Հարրի Փոթերիի» և Հոգվարթսի աշխարհը արդեն էկրանավորվել է, որտեղ գլխավոր դերերում հանդես էին գալիս Դենիել Ռեդկլիֆը, Էմմա Ուոթսոնը և Ռուպերտ Գրինթը։
