Օրերս լուրեր էին տարածվել, որ Կիանու Ռիվզը բանակցություններ է սկսել Marvel ստուդիայի հետ «Հավերժները» սուպերհերոսական նախագծին մասնակցելու շուրջ: Դերասանը դեռ չի ստորագրել պայմանագիրը, սակայն պայմանների քննարկումն արդեն ընթանում է: Թե ինչ դեր են առաջարկել Ռիվզին, դեռ պարզ չէ:
Ավելի վաղ դերասանական կազմին միացել էին Անջելինա Ջոլին, Ռիչարդ Մեդդենը եւ Կումեյլ Նանջիանին: Ռեժիսորն է Քլոե Ճաոն, իսկ նկարահանումները նախնական տվյալներով կմեկնարկեն այս աշնանը:
Նկարը կպատմի Հավերժների գերցեղի մասին, որոնք ի հայտ են եկել որպես էվոլյուցիայի առանձին ճյուղ: Նրանք ունեն հսկայական գերունակություններ եւ պաշտպանում են մարդկությանը չար Դեվիանտներից: Սյուժեի մանրամասները դեռ չեն հրապարակվում, սակայն հայտնի է, որ ֆիլմում զարգանալու է Իկարիսի եւ Սերսիի սիրային գիծը:
Պրեմիերան նախատեսված է 2020 թվականի նոյեմբերի 6-ին:
