Ահա եւ եկել է այն օրը, երբ սերիալների տխրահռչակ մոլի դիտումից սկսում են բուժել հիվանդանոցներում: Մեծ Բրիտանիայում գրանցվել են առաջին պաշտոնական հիվանդները, որոնք այնքան են տարվել հեռուստամարաթոնով, որ այժմ բժշկական օգնության կարիք ունեն: Սթրիմինգային ծառայությունների եւ բովանդակության աննախադեպ առատության ծաղկման ժամանակաշրջանում որոշ հեռուստադիտողներ այնքան են խորասուզվում սերիալների եւ կինոյի աշխարհով, որ հրաժարվում են ինքնակամ լքել էկրանի դիմացի տաք տեղը:
The Telegraph հրատարակության տեղեկատվության համաձայն՝ լիցենզավորված հոգեթերապեւտ Ադամ Քոքսն իր կլինիկայում արդեն ընդունել է երեք հիվանդների, որոնք տառապում են անընդհատ դիտման կախվածությունից: Բժշկի հավաստմամբ՝ բինջվոթչինգի զոհերը բողոքել են, որ չեն կարողացել լքել էկրանը, նույնիսկ այն ժամանակ, երբ սպառնալիքի տակ են հայտնվել իրենց աշխատանքը, առողջությունը եւ անձնական կյանքը:
Բոլոր երեքն էլ հայտնվել են վտանգավոր հանգույցի մեջ, ի վիճակի չեն անջատվել դիտումից: Նրանք պարզապես պետք է տեսնեին հաջորդ դրվագը, հետո եւս մեկը, եւ եւս մեկը: Հեռուստատեսային քլիֆֆհենգերը խթանման մեխանիզմ է եւ գործում է ինչպես ալկոհոլը կամ թմրանյութը: Այն նպաստում է դոպամինի արտադրությանը, ինչը խնդիրներ է ստեղծում այն մարդկանց համար, ովքեր կյանքում սթրեսի եւ փորձի այլ պատճառներ ունեն: Այս ամենը հանգեցնում է քրոնիկ անբավարարության, ինչը քննադատաբար նվազեցնում է արդյունավետությունը եւ խանգարում մարդկանց նորմալ հարաբերություններ ձեւավորել:
Ադամ Քոքսը կոչ է անում զգույշ լինել
Հոգեթերապեւտը նշել է, որ հիվանդներից մեկը կախվածության մեջ է ընկել «Վատից վատ» քրեական դրաման դիտելուց հետո՝ իր մոտ ամեն օր յոթ ժամ անընդմեջ սերիալ դիտելու անողոք սովորություն ստեղծելով: Դա հանգեցրել էր առողջական խնդիրների եւ սպառնում էր նրան գործազրկությամբ: Տղային հաջողվել է փրկել խորհրդատվությունների եւ ճանաչողական-վարքագծային թերապիայի օգնությամբ:
