Walt Disney Co.-ն 21st Century Fox կորպորացիայի ակտիվների հիմնական մասի ձեռքբերման գործարքն ավարտել է 71,3 մլրդ դոլարով: Բոբ Այգերիի ընկերությունն ստացել է Fox կինոստուդիան և հեռուստաընկերությունը, FX հեռուստակայանը, National Geographic ընտանիքի հեռուստաալիքները, Հնդկական Star India հեռուստատեսային հսկան և լրացուցիչ 30% բաժնեմասը Hulu հոսքային ծառայությունում: Վերջինս մեծացնում է Disney-ի մասնաբաժինը շերտի մեջ մինչեւ 60% (մյուսները պատկանում են Comcast-ին և Warner Media-ին):
Ավելի վաղ Disney-ում հայտարարել էին, որ նոր ակտիվները կարող են արագ մեծացնել կորպորացիայի տարեկան եկամուտը 19,3 մլրդ դոլարով, որոնցից 1,6 մլրդ դոլարը զուտ շահույթն է: Ընդ որում, Disney-ի բաժնետերերին խոստացել են կլանման հաշվին 2 մլրդ դոլար տնտեսել: Փաստարկներ համոզեցին և բաժնետերերը հավանություն տվեցին այդ գործարքին, իսկ հետո նրանց հետ − ԱՄՆ արդարադատության նախարարությունը, եվրոպական կարգավորող մարմինները և չինական կարգավորողը: Կլանման պատմության վերջնական կետը դրել են Բրազիլիայի և Մեքսիկայի վերահսկող մարմինները, որոնք նույնպես հավանություն են տվել գործարքին:
Սպասվում է, որ գործարքը զանգվածային կրճատումներ կառաջացնի արդյունաբերության մեջ. աշխատանքը կարող է կորցնել 4 հազարից մինչեւ 10 հազար մարդ: Բացի այդ, Disney-ին պարտավորեցրել են վաճառել ԱՄՆ-ի 22 տարածաշրջանային մարզական հեռուստացանցեր եւ մարզական հեռուստացանցեր Բրազիլիայում եւ Մեքսիկայում, իսկ Եվրոպայում ընկերությունը պետք է ազատվի այնպիսի ցանցերից, ինչպիսիք են Lifetime-ը և History-ն:
Ուոլ-Սթրիթի վերլուծաբանները և այլ փորձագետներ տեսնում են գործարքի դրական և բացասական կողմերը: Disney-ի համար այն ռազմավարական առավելություններ է տալիս՝ բարձրացնելով իր կոնտենտի քանակն ու բազմազանությունը, ինչպես նաև կորպորացիայի ընդհանուր գլոբալ հզորությունը: Սակայն նման ծախսային ձեռքբերման հետևանքները, Disney + սեփական հոսքային վիդեոծառայության գործարկման ծախսերի հետ մեկտեղ, դեռ երկար ժամանակ բացասաբար կազդեն ֆինանսական հաշվետվությունների վրա: Ի դեպ, ավելի ճշգրիտ կանխատեսումները կհայտնվեն միայն ապրիլի 11-ին, երբ կորպորացիան ներկայացնի Disney + ներդրողներին:
Ինչ վերաբերում է Fox-ի մնացած ակտիվներին, նրանց նկատմամբ շուկայի վերլուծաբանները չափազանց լավատես են: Ընկերությունը, որը ղեկավարում է Լահլան Մերդոկը, որպես գլխավոր տնօրեն և նախագահ, և Ռուպերտ Մերդոկը, որպես համանախագահ, այժմ բաղկացած կլինի Fox հեռարձակման ցանցից, տարածաշրջանային հեռուստաընկերություններից, Fox News-ից և Fox Sports-ի ակտիվներից: Այսպիսով, նոր Fox Corporation-ը կկենտրոնանա նորությունների և սպորտի վրա, ընդ որում բացառապես ԱՄՆ-ում:
