Warner Bros. Pictures-ը 2027 թվականի փետրվարին կինոթատրոններ կբերի ռեժիսոր Մ. Նայթ Շյամալանի «Մնա» (Remain) գերբնական սիրային թրիլերը, որի գլխավոր դերերում հանդես են գալիս Ջեյք Ջիլենհոլը և Ֆիբի Դայնևորը։
Ֆիլմը պատմում է մեկուսացած կյանք վարող ճարտարապետ Թեյթ Գորդոնի մասին, որը նոր նախագիծ իրականացնելու նպատակով տեղափոխվում է ծովափնյա փոքր քաղաք։ Այստեղ նա ծանոթանում է խորհրդավոր երիտասարդ կնոջ հետ, որը փոխում է նրա կյանքը և ներքաշում քաղաքին առնչվող մահացու առեղծվածի մեջ։
Ֆիլմի պատմությունը համատեղ մշակել են Շյամալանը և ամերիկացի գրող Նիկոլաս Սփարքսը՝ դրա հիման վրա առանձին ստեղծելով կինոսցենար և համանուն վեպ։ «Վեպը ֆիլմի գրականացումը չէ, իսկ ֆիլմը՝ վեպի էկրանավորումը։ Երկու հեղինակներ «Մնա»-ի պատմությունը ներկայացնում են յուրովի», — նշել է Շյամալանը։
Դերասանական կազմում ընդգրկված են նաև Էշլի Ուոլթերսը, Ջուլի Հագերթին և Ջեյ Օ. Սանդերսը։ Ֆիլմի երաժշտության հեղինակը Ջեյմս Նյուտոն Հովարդն է, օպերատորը՝ Ադոլֆո Վելոզոն։
«Մնա»-ն Blinding Edge Pictures-ի արտադրությունն է։ Հայաստանում ֆիլմի պրեմիերան նախատեսված է 2027 թվականի փետրվարի 4-ին։
