Հայաստանի ազգային կինոկենտրոնը հայտարարում է կինոնկարների նախագծերի մրցույթ՝ 2024 թվականին խաղարկային, վավերագրական և անիմացիոն նախագծերին պետական ֆինանսավորում հատկացնելու նպատակով:
Մրցույթն իրականացվում է համաձայն «Հայաստանի ազգային կինոկենտրոն» ՊՈԱԿ-ի՝ «Կինոնկարների նախագծերի մրցույթների անցկացման և ֆինանսավորման» կանոնակարգի:
Մրցույթի կանոնակարգի տեքստը, պահանջվող փաստաթղթերի ցանկը և անհրաժեշտ ձևաթղթերը տեղադրված են Հայաստանի ազգային կինոկենտրոնի պաշտոնական ncca.am կայքի «Մրցույթներ» բաժնի «Կանոնակարգ» ենթաբաժնում:
Մրցույթի մասնակցելու համար պետք է հայտ ուղարկել՝
kinokentron.hayter@gmail.com էլեկտրոնային հասցեին, ս/թ դեկտեմբերի 22-ից:
Հայտերի ընդունման վերջնաժամկետն է` 2024 թ. հունվարի 31, ժ․23:59
ՈՒՇԱԴՐՈՒԹՅՈՒՆ: Հարգելի՛ հայտատուներ, հիշեցնում ենք, որ համաձայն մրցույթի Կանոնակարգի 26-րդ կետի՝ ուշացումով, պակասող և անընթեռնելի փաստաթղթերով թերի փաթեթները մրցույթին չեն մասնակցելու:
