Sentient Entertainment ստուդիան գործարկել է Նիկոլ Քիդմանի հետ «Ուրիշները» սարսափ ֆիլմի ռեմեյքը: Ալեխանդրո Ամենաբարի ֆիլմը վարձույթում հայտնվել է 2001 թվականին: Ինչպես հայտնում են Deadline-ի աղբյուրները, նոր ֆիլմը կլինի պատմության վերաիմաստավորում եւ կփորձի արդիականացնել այն:
Օրիգինալ ֆիլմը պատմում է Գրեյս Ստյուարտի մասին, որը երեխաների հետ թաքնվում է բոլորից մեկուսացված տանը: Բանն այն է, որ նրա երեխաները տառապում են հազվագյուտ գենետիկ հիվանդությամբ, որի պատճառով լուսազգայունության հետ կապված խնդիրներ են ունենում: Բայց մի օր առանձնատանը անդորրը տարօրինակ կերպով խախտվում է:
Ապագա նախագծի որեւէ մանրամասներ դեռեւս հայտնի չեն, սակայն ենթադրվում է, որ ստուդիան կներգրավի հայտնի դերասանների:
