Warner Bros. ստուդիան ներկայացրել է գրող Ֆրենկ Հերբետի համանուն ստեղծագործության վրա հիմնված «Դյունա» ֆանտաստիկ ֆիլմի առաջին կադրը: Հանդիսատեսը հնարավորություն է ստացել դերասան Թիմոթի Շալամեին առաջին անգամ տեսնել գլխավոր հերոս Փոլ Աթրեյդեսի կերպարում: Բացի այդ, ցուցադրվեց նախագծի պաշտոնական լոգոն:
Եթե կորոնավիրուսի պանդեմիան իր շտկումները մտցնի ստուդիայի պլանների մեջ, ապա ժապավենը համաշխարհային վարձույթ դուրս կգա 2020 թվականի դեկտեմբերի 17-ին:
Հիշեցնենք, որ գրական սկզբնաղբյուրի գործողությունը տեղի է ունենում հեռավոր ապագայում Արակիս մոլորակի վրա, որտեղ արդյունահանվում է յուրահատուկ համեմունք՝ սփայս, որը հնարավոր է դարձնում միջաստղային ճանապարհորդությունները: Սյուժեի կենտրոնում է Փոլ Աթրեյդես անունով հերոսը, որը պետական հեղաշրջումից հետո թաքնվում է անապատում եւ հայտնվում է աբորիգենների ցեղի մոտ, որոնց օգնությամբ նա հույս ունի վերականգնել իշխանությունը:
Ֆիլմում նկարահանվել են Ռեբեկա Ֆերգյուսոնը, Ջեյսոն Մոմոան, Զենդեյան, Ջոշ Բրոլինը, Օսկար Այզեքը, Խավիեր Բարդեմը, Դեյվ Բատիստան, Ստելլան Սկարսգորդը, Շառլոտա Ռեմփլինգը եւ այլ հայտնի դերասաններ:
