ՌԴ կինեմատոգրաֆիստների միության նախագահ, ռեժիսոր Նիկիտա Միխալկովը մտադիր է խնդրել ՌԴ նախագահ Վլադիմիր Պուտինին աջակցել Եվրասիական կինոակադեմիայի մրցանակաբաշխության կազմակերպմանը: Այդ մասին նա հայտնել է Սանկտ Պետերբուրգի IX միջազգային մշակութային ֆորումի՝ Միացյալ մշակույթների ֆորումի շրջանակներում:
«Ես նախատեսում եմ խոսել (պետության ղեկավարի հետ — խմբ.), քննարկել, որ ինչ-որ կերպ նա սեղմի»,-ասել է Միխալկովը։ Նա հստակեցրել է, որ Եվրոպական կինոակադեմիայի մրցանակը կարող է առաջին անգամ հանձնվել 2024 թվականին, սակայն առայժմ դրանում վստահություն չկա չլուծված կազմակերպչական հարցերի պատճառով։
«Ես խնդրեցի նախագահին, նա Չինաստանում էր, նա խոսեց [Չինաստանի նախագահ] Սի Ձինպինի հետ: Նա ողջունեց այդ գաղափարը և նույնիսկ առաջարկեց «Եվրատեսիլի» անալոգը դարձնել «Եվրասիատեսիլը»։ Հիմա ամեն ինչ նրանց մեջ է, ում դա հանձնարարում են, իսկ ահա այստեղ հենց սկսվում են խնդիրները», — նշել է Միխալկովը։
2022 թվականի գարնանը Միխալկովը հանդես եկավ Եվրասիական կինոակադեմիայի ստեղծման և նրա մրցանակի հիմնադրման նախաձեռնությամբ, որը պետք է դառնա «Օսկարի» անալոգը։ Կինոակադեմիայի և կինոմրցանակի ստեղծումը Միխալկովը անհրաժեշտ է համարում առաջին հերթին «եվրասիական տարածաշրջանի զարգացման» համար:
Միխալկովի այս ցանկությունը անհասկանալի է, քանի որ ԱՊՀ-ի շրջանակում Եվրասիական կինոակադեմիան հիմնադրվել է 1997 թվականի մարտի 27-ին Ղազախստանի նախաձեռնությամբ: Փաստաթուղթը ստորագրել է նաև Հայաստանը, ի դեմս ՀՀ կառավարության աշխատակազմի ղեկավար-նախարար Գագիկ Շահբազյանի: Իհարկե մեծ հարցականի տակ է այս կառույցի իրական գոյությունը և 26 տարում կատարած աշխատանքը:
Կինոակադեմիայի կանոնադրության 2-րդ բաժնի 2-րդ կետի համաձայն՝ կազմակերպությունը պետք է նախապատրաստեր և հրատարակեր «ԱՊՀ մասնակից պետությունների ազգային կինեմատոգրաֆիաների զարգացման մասին» ամենամյա վերլուծական զեկույցը, մշակեր առաջարկություններ կինոարվեստի զարգացման վերաբերյալ, անցկացներ սեմինարներ, փառատոններ, վարպետության դասեր, շնորհեր Կինոակադեմիայի մրցանակները, հիմնադրեր դրամաշնորհներ և ստեղծեր հատուկ հիմնադրամներ ազգային կինեմատոգրաֆիաների զարգացման համար, տպագրեր կինեմատոգրաֆիայի հիմնախնդիրների վերաբերյալ տպագիր նյութեր:
