ՀՀ կառավարության ս․թ․ սեպտեմբերի 10-ի, N 1519-Ն որոշման համաձայն հաստատվել է ԿԳՄՍ նախարարության որոշման նախագիծը, որով նախատեսվում է 2020 թվականի հաստատված բյուջեով իրականացնել վերանորոգման աշխատանքներ Հայաստանի ազգային կինոկենտրոնի՝ Տերյան 3ա հասցեում գտնվող տարածքում։
Ըստ այդ որոշման «Հայաստանի ազգային կինոկենտրոն» պետական ոչ առևտրային կազմակերպության տարածքի վերակառուցման համար կհատկացվի 102,715.7 հազ. դրամ` բյուջետային ծախսերի տնտեսագիտական դասակարգման «Կապիտալ դրամաշնորհներ պետական և համայնքային ոչ առևտրային կազմակերպություններին» հոդվածով:
Արդեն պատրաստ է Հայաստանի ազգային կինոկենտրոնի Տերյան 3Ա հասցեում գտնվող տարածքի նախագիծը, որի վերանորոգման աշխատանքները 2021 թվականին կավարտվեն:
Հիշեցնենք, որ Հայաստանի ազգային կինոկենտրոնը (ՀՀ կառավարության 2006 թ․ հուլիսի 10-ի N1110-Ն որոշումով «Համո Բեկնազրյանի անվան «Հայֆիլմ» կինոստուդիա» պետական ոչ առևտրային կազմակերպությունը վերանվանել «Հայաստանի ազգային կինոկենտրոն» պետական ոչ առևտրային կազմակերպություն) «Հայֆիլմի» վաճառքից հետո, սկզբում գործել է վարձակալված տարածքում՝ Պուշկինի 38 հասցում, իսկ վերջին 2 տարիներին՝ շարունակել է գործունեությունը՝ կրկին վարձակալական հիմունքներով, այս անգամ արդեն «Հայֆիլմ» կինոստուդիայի տարածքում:
