Անցած գիշերվա ամենաաղմկոտ լուրերից մեկը, բացի Ջեյմս Բոնդի մասին նոր ֆիլմի անվանումից եւ Կիան Ռիվզի «Մատրիցա» վերադարձից, Սարդ-մարդու բաժանումը Marvel-ի կինեմատոգրաֆիական տիեզերքից: Հաղորդվում է, որ Sony եւ Disney ընկերությունները ինչ-որ բան չեն կիսել եւ արդյունքում Սփայդերմենը, ըստ ամենայնի, կվերադառնա հետ:
Սարդ-մարդու կինոիրավունքները պատկանում են Sony-ին: Disney-ը Marvel ընկերության սեփականատերն է: Disney-ի Marvel Studios-ի եւ Sony Pictures-ի միջեւ հաջող գործընկերությունը «Սարդ-մարդը» ֆիլմերում եկել է ավարտին. Marvel-ը կայացրել է ապագա ֆիլմերի ֆինանսավորման վեճի վերաբերյալ վերջնական որոշում, ասել է TheWrap-ի ինսայդերը:
Այս պայմանավորվածությունը ձեռնտու էր երկու կողմերին: «Սարդ-մարդը. Տնից հեռու» ֆիլմը, որը թողարկվել է անցյալ ամիս, Sony-ի ամենահաջողված ֆիլմն է եւ դրամարկղային մուտքերի տեսանկյունից «Սարդ-մարդը» ամենահաջողված ֆիլմն է:
Sony-ի ներկայացուցիչը երեքշաբթի հայտարարել է, որ որոշումը պայմանավորված է նրանով, որ Դիսնեյը որոշել է որ Marvel Studios-ի նախագահ Քեւին Ֆայջին, ով վերահսկում է Marvel-ի կինեմատոգրաֆիական տիեզերքը, չջետք է ժամանակ ծախսի Սարդ-մարդու վրա:
«Մենք հիասթափված ենք, բայց հարգում ենք Դիսնեյի որոշումը՝ նրա (Քևին Ֆայգիի) հեռացումը մեր հաջորդ «Սարդ-մարդը» ֆիլմի առաջատար պրոդյուսերի դերից, — ասված է մամուլի քարտուղարի հայտարարության մեջ: — Մենք հուսով ենք, որ ամեն ինչ կարող է փոխվել ապագայում, բայց հասկանում ենք, որ Disney-ի կողմից տրված բազմաթիվ նոր պարտականություններ, ներառյալ նրանց բոլոր նոր ավելացված Marvel-ի սեփականությունը, թույլ չեն տալիս աշխատել ՀԻ-ի վրա, որը նրանք չեն տիրապետում: Քևինը ցնցող է, եւ մենք շնորհակալ ենք նրա օգնության եւ առաջնորդության համար եւ գնահատում ենք այն ճանապարհը, որի վրա նա օգնել է մեզ կանգնել, որը մենք կշարունակենք:»
Marvel-Sony գործընկերությունը, որն սկսվել է 2016 թվականին «Կապիտան Ամերիկա. քաղաքացիական պատերազմ» ֆիլմում Սարդ-մարդու հայտնվելուց հետո, թույլ է տվել Սարդին առաջին անգամ փոխգործակցել Marvel կինեմատոգրաֆիական տիեզերքում Կապիտան Ամերիկայի և Երկաթե Մարդու հետ:
Իչպես հայտնում է Deadline պարբերականը՝ Disney-ը ցանկանում է եկամուտ ստանալ Սարդ-մարդու մասին սոլո նկարներից: Sony-ին այս տարբերակը չի բավարարում: Երկու կինոընկերությունները չկարողացան համաձայնության գալ, եւ այժմ Marvel-ի ֆիլմերում Սարդ-մարդու մասնակցությունը մեծ հարցականի տակ է:
«Սարդ-մարդը. տանից հեռու» վերջին մենաֆիլմը համաշխարհային վարձույթում ավելի քան 1,1 մլրդ դոլար է հավաքել: Այդ մուտքերը Disney-ին ստիպել են վերանայել Sony-ի հետ համագործակցության քաղաքականությունը: Ընկերությունը ցանկանում է կիսով չափ կիսել ինչպես արտադրության ծախսերը, այնպես էլ նկարից ստացված եկամուտները: Ըստ որոշ տվյալների՝ այժմ Disney-ի դուստրը՝ Marvel Studios-ը, ստանում է դրամարկղային մուտքերի միայն 5%-ը:
Ըստ երեւույթին, ընկերությունը վստահ է, որ Վրիժառուների մասին իր ֆիլմերում Սարդ-մարդու հայտնվելը ապագա ֆիլմերի բարձրագոչ գովազդային արշավ է: Եվ կարծում է, որ իրավունք ունի ավելի շատ գումար վաստակել: Չնայած այն հանգամանքին, որ այս կերպարի իրավունքները դեռեւս պատկանում են Sony-ին:
Sony-ի ծրագրերը, այնուամենայնիվ, չեն խախտվում: Ստուդիան պատրաստվում է նկարահանել այս հերոսի մասին եւս երկու մենաֆիլմ, որոնցում խաղալու է Թոմ Հոլլանդը: Եվ զարգացնելու է ֆրանշիզայի հետ կապված կերպարնների մենաֆիլմերը՝ Վենոմ, Սեւ կատու եւ ուրիշներ:
Հաջորդ տարվա ամռանը թողարկվելու է «Մորբիուսը» Ջարեդ Լետոյի մասնակցությամբ:
