Walt Disney Pictures-ը համացանցում տեղադրել է ռեժիսոր Թիմ Բարթոնի նկարահանած «Դամբո» ֆիլմի դեբյուտային հատված: Դասական մուլտֆիլմի կինոադապտացիան լայն էկրաններին կհայտնվի մարտի 28-ին:
Կրկեսային իմպրեսարիո Մարկ Մեդիչին կրկեսի նախկին աստղ Հոլթ Ֆերիերին և իր երեխաներ Միլլիին և Ջոյին նշանակում է նորածին փղիկի խնամակալ, որի անհավանական մեծ ականջները միանգամից դառնում են կատակների և ծաղրանքների առարկա Հոլթի կոլեգաների մոտ։ Պատահմամբ իմանալով, որ Դամբոն կարողանում է թռչել, կրկեսի սեփականատերը որոշում է փղիկի անսովոր ունակությունների հաշվին գումար աշխատել։
Բարթոնի կինոնկարը համակարգչային գրաֆիկայի և խաղարկային ֆիլմի խառնուրդ է: Որպես սցենարիստ նշվում է Էրեն Քրյուգերը, ով նախկինում աշխատել է «Տրանսֆորմերների» և »Գրիմ եղբայրների» վրա:
