We Got This Covered պարբերականի տվյալներով՝ Disney+ ալիքի ղեկավարությունը Մագնետոյի մասին սերիալ է մշակում:
Ոչ մի պաշտոնական հաստատում դեռ չի հնչել, սակայն պորտալը հղում է անում իր ինսայդերներին, որոնք առաջինը հայտնել են «She-Hulk» սերիալի եւ «Ալադինի» երկրորդ մասի պատրաստման մասին:
Արդյոք Մագնետոյին շարունակելու է մարմնավորել Մայքլ Ֆասբենդերը՝ անհայտ է: Վերջին մի քանի շաբաթների ընթացքում տեղեկություն է հայտնվել «Վատից վատը» սերիալի աստղի՝ Ջանկարլո Էսպոզիտոյի հնարավոր մասնակցության մասին, ըստ լուրերի, նա հավակնում է գլխավոր չարագործի դերին:
