Հարավկորեական Big Hit Entertainment ընկերությունը հայտարարել է BTS փոփ խմբի մասին դրամատիկ սերիալի թողարկման մասին, հաղորդում է The Independent-ը:
«Այժմ մենք BTS Universe-ի համար նախագիծ ենք մշակում հայտնի կորեական արտադրական ստուդիայի հետ միասին: Մեր նպատակն է 2020թ. երկրորդ կեսին սերիալ թողարկել», — պատմեց ընկերության ներկայացուցիչը:
Նախագծի հեղինակները կպատմեն կոլեկտիվի 7 մասնակիցների պատմությունը՝ նրանց առաջին հանդիպման և կարիերայի մեկնարկի մասին: Իրենք՝ երաժիշտները, չեն նկարահանվի դրամայում:
Ավելի վաղ BTS-ի ներկայացուցիչն ասել էր, որ խումբը երկար արձակուրդ է գնում հանգստանալու համար:
Սակայն հոկտեմբերին նրանք եւս մի քանի համերգ կտան Սաուդյան Արաբիայում եւ Սեուլում:
