Տիգրան Մանսուրյանը ծնվել է Բեյրութում և 1940-ականների վերջերին ընտանիքով ներգաղթել է Հայաստան: Նրա ստեղծագործական ուղու մասին շատ են պատմում, իսկ մենք կխոսենք «Հայֆիլմի» ժառանգության մեջ նրա ներդրման մասին:
Մենք ենք մեր սարերը
Հայաստանի լեռներում բարձր ապրող չորս անպարտելի հովիվների զավեշտական պատմություն է: Մի անգամ նրանք ընթրեցին իրենց հոտում կորած հարևանի ոչխարներով: Նրանց նախկին տիրոջ հետ հովիվները հեշտությամբ համաձայնության են գալիս «փրկագնման» շուրջ: Սակայն շահավետ գործարքին խանգարում է լուրջ երիտասարդ ոստիկանը, որը, չնայած ընկերների բողոքներին, ոչխարների հափշտակման գործ է վարում և փորձում է տեղի ունեցածին պաշտոնական ընթացք տալ…
Լիլիթ
Բիբլիական լեգենդ Ադամի առաջին կնոջ` Լիլիթի մասին: Անիմացիոն ֆիլմի ռեժիսորն է Ռոբերտ Սահակյանցը:
Կտոր մը երինք
Հենրիկ Մալյանի «Կտոր մը երկինք» հիմնված է Վահան Թոթովենցի «Բաց կապույտ ծաղիկներ» պատմվածքի վրա:
Ֆիլմը պատմում է Խարբերդում մեծացող որբ Թորիկի մասին։ Մորաքրոջ և նրա արհեստավոր ամուսնու խնամքի տակ է մեծանում երկչոտ տղան՝ Թորիկը։ Ամեն ինչ խաղաղ ընթացքով կարող էր գնալ, բայց Թորիկը մեծանում և ամուսնանում է հասարակաց տան աղջկա հետ։ Քաղաքը չի կարող ներել նրան, սակայն երիտասարդը հանուն իր երջանկության վճռականություն և համարձակություն է ցուցաբերում։
Գիքոր
Սերգեյ Իսրայելյանի «Գիքոր» կինոնկարը Հովհաննես Թումանյանի համանուն պատմվածքի երկրորդ էկրանավորումն է։
Մինչհեղափոխական ժամանակներում գյուղացի Համբոն, որոշելով միակ որդուն՝ Գիքորին, տանում է քաղաք աշխատելու և հնարավորինս կրթվելու համար: Համբոն իր տղային՝ Գիքորին, տանում է քաղաք, որ այնտեղ աշխատի ու հնարավորինս կրթվի։ Տղային նա թողնում է բազազ Արտեմի տանը՝ որպես սպասավոր։ Ուրիշի տանը ոչ ջերմություն, ոչ քնքշանք չգտնելով՝ տղան կարոտել է տունը:
Հին օրերի երգը
Ալբերտ Մկրտչյանի «Հին օրերի երգը» ֆիլմի գործողությունը տեղի է ունենում Հայրենական մեծ պատերազմի տարիներին Լենինական քաղաքում: Ֆիլմի հերոսները գավառական քաղաքի ինքնագործ թատերախմբի անդամներ են, որոնք ամբողջ երկրի հետ կիսում են պատերազմի բերած դառնությունները և կորուստների ցավը։
Մեր մանկության տանգոն
Ալբերտ Մկրտչյանի «Մեր մանկության տանգոն» նկարահանվել է 1984 թվականին «Հայֆիլմ» կինոստուդիայում: Ֆիլմը ստացել է 1985 թվականի Վենետիկի կինոփառատոնի 2 մրցանակ՝ Պազինետիի մրցանակ՝ Լավագույն ֆիլմի համար և հատուկ հիշատակում՝ կնոջ լավագույն դերի համար՝ Գալյա Նովենց:
Անսովոր բնավորության տեր հայ կնոջ մասին է. հետպատերազմյան ծանր տարիներին նա կարողանում է մեծացնել երեխաներին և փորձում է վերադարձնել ամուսնուն, որը ռազմաճակատային ընկերուհու հետ է կյանքը կապել։
Բայցի այս ֆիլմերից Մանսուրյանի երաժշտությունը զարդարում է Սերգեյ Փարաջանովի «Նռան գույնը», Միքայել Վարդանովի «Հայկական հողի գույնը», «Սգավոր ձյունը», «Վերադարձ» և այլ կինոնկարներ:
