Սույն հոդվածում ներկայացնում ենք ձեր ուշադրությանը Հայաստանի կինոգործիչների միության նախագահ, կինոռեժիսոր Հարություն Խաչատրյանի հարցազրույցը «Ազատություն ռադիոկայանի» հետ: Խաչատրյանը ամփոփում է ոլորտում անցած տարի տեղի ունեցած իրադարձությունները, բարձրաձայնում է ոլորտի առջև ծառացած խնդիրները, անդրադառնում է դրանց լուծման հնարավոր ուղիներին:
«Մենք հիմա շատ լրջորեն պետք է «Ոսկե ծիրան»-ի հետ մեկտեղ զբաղվենք կինոյի օրենքի վերջնականապես հաստատմանը, որովհետև առանց օրենքի ամեն ինչ կլինի էսպիսի անհասկանալի, պղտոր վիճակում: Առանց օրենքի, մարդիկ կլինեն միշտ դժգոհ, մարդիկ կկարծեն, որ իրենց խաբել են, մարդիկ կկարծեն, որ իրենք արհամարհված են: Կարծում եմ, որ պետք է 2019 թիվը լինի կինոյի տարի, և մենք դրանով լրջորեն զբաղվենք», — նշում է Հայաստանի կինոգործիչների միության նախագահը:
